川粵時光小廚

營業中

休息中

今日放假去咗土瓜灣探朋友,傾完偈喺佢屋企附近嗰啲嘢食下,佢帶咗我去一間好好味嘅粵菜,川菜餐廳。川粵時光小廚,地址係土瓜灣新碼頭街8至26號恆景閣地下,餐廳地方好闊落,裝修得好整潔,喺度食飯感覺都幾舒適。招牌金湯酸菜魚 188元,我地就選擇咗小辣,酸菜魚賣相勁吸引,魚肉非常嫩滑,每一片魚肉都去曬骨,食落去啖啖肉,魚肉味道鮮甜,湯底味道酸香帶點辣,魚肉夾落去唔會散開,分量又多真係好好味。平時少食辣嘢嘅我都食到舐舐脷, 配埋白飯真係一絕。生啫臺山菜花 78元,上枱熱辣辣,醬汁香濃, 蔬菜配上肉片味道真係好夾,肉片食落去好嫩滑, 味道香濃。鮑魚炆雞 198元,呢個鮑魚炆雞真係好有鑊氣,份量仲要好多,有四隻鮑魚,鮑魚食落去味道鮮甜,肉質爽口彈牙,雞煮到啱啱好,雞味香濃,雞皮係滑嘟嘟,雞肉仲好嫩滑多汁,加上鮑魚嘅鮮甜味道,令到雞肉味道更加有層次,另外配菜有青椒,洋蔥,蒜頭,全部都煎到好香,配搭埋雞肉一齊食真係一絕。