aira

營業中

休息中

第一碟嘅送酒小食：炸豆池魚多春魚、九肚魚同白飯魚食好多，但係呢一碟炸豆池魚，我都係第一次食，好好味㗎！魚肉嘅質感係好實在、好有咬口。每一條骨都好容易被咬碎㗎，最重要係魚嘅鮮味好重，一啲都唔腥😊送走嘅美食又點至得一樣啊？仲有一個粟米天婦羅，呢一個好味嘅程度係我咁大個女第一次食到粟米咁好食㗎！天婦羅有好多唔同嘅做法，用粟米嚟整真係第一次鮮甜、可口、好味，配搭清酒真係一百分之後嗌咗一個醬油豆腐，啡啡黑黑嘅豆腐上面有清清嘅小蔥，咬落去個皮好脆，好香醬油味，配搭住小蔥同豆腐入面嘅嫩滑。呢一個口感真係令我一試難忘呀💕💕其實呢一度嘅菜式、每一件都擺得好精緻，尤其係雞肉棒！記得食之前將雞蛋同醬油撈勻咗佢，然之後點勻曬成個雞肉棒先好一啖咬落去呀！串燒一共嗌咗三款：雞髀肉串燒、蘆筍豚肉串燒、燒白鱔。其實每一款都係咁好食，我重點想推介嘅係白鱔😍😍真係要稱讚佢一百次，我未食過一個燒嘅白鱔係可以有鮮味，白鱔嘅肉係爽口彈牙，而一條骨都冇，真係好似食緊個精髓一樣😋😋之後嗌咗一個明太子蛋白燒可能因為我太鍾情明太子嘅緣故，所以飯團我都嗌咗一個明太子飯團。有少少辣味令到成個飯糰嘅質感份外有格調，脆波波嘅外皮包住入面軟綿綿