元祖沾麵專門店 (已結業)

尖沙咀厚福街有幾間黃店一向都好多人排隊，難得今日同朋友想早啲食晚餐，就決定黎試下呢間元祖沾麵!!店入面位唔算多，同埋無諗過就算早食飯，都已經有好多人係入面食緊!!去到坐低打開menu，可以選擇的食物都算多!!今次我地就點了以下:極上芝士蟹皇沾麵佢有三隻湯底俾你揀，包括有赤海老，龍蝦及芝士海膽! 今次就揀左赤海老!所有沾麵既湯都可以免費加湯!但對我黎講都淨係飲到一半既湯就已經好飽!!佢個湯飲一啖都已經好有濃烈既蝦味，唔會太咸，之後再將啲麵沾上個湯度，個蝦味即刻出返哂黎~湯入面除左有海膽，原來都仲有幾塊腩肉架!! 配上海膽令到個湯味更加鮮甜!而沾麵上面則有炙燒叉燒，溏心蛋，荀同紫菜當然唔少得既係熱辣辣既焗芝士蟹膏!!滿滿新鮮既海膽被濃厚的芝士包圍，真係超好食!!黑蒜豚骨叉燒拉麵一開始就飲左個頭啖湯先，個湯味飲得出有黑蒜，但唔算太濃烈!!而叉燒分量都好多!!