相馬日式火鍋 (已結業)

大閘蟹又當造啦，呢間相馬有大閘蟹海鮮火鍋放題，一定要同屋企人黎試！先講大閘蟹🦀大閘蟹絕對唔細隻，而且好多膏，啲膏係金黃色，流晒油，好軟滑，蟹肉亦都好鮮甜，而且都唔使等好耐就有得食，好有效率！食完大閘蟹就緊係要飲返啲驅寒嘅嘢！呢度有胡椒花膠雞湯🫕驅寒得來又滋補，雞湯入邊真係有花膠，好濃香，好足料，骨膠原滿滿！仲有依度嘅一次性蒸海鮮都真係好高質🦐🦞🦀🐟開邊龍蝦、海蝦、花甲蜆、鮑魚、龍躉，全部都好鮮味，落足蒜蓉去蒸，保留到海鮮嘅原汁原味，味道亦都更加提升！仲未計依度嘅火鍋配料選擇亦都好多，仲有即叫即炸嘅串燒同埋炸物，即蒸點心，甜品飲品，掂！