京都薈

營業中

休息中

有次行過美孚站一出就見到大大個牌寫住大閘蟹任食，見咁近地鐵站，所以就book左同屋企人試試😻😻😻講明大閘蟹係主菜，咁最緊要一定係啲蟹嘅質素。不過首先呢個要提一提，侍應捧住勁大盤蟹入黎，佢勁有禮貌同我地講解要點食先至好味。呢個真係好少酒樓做得到。👍🏽見到勁大盤蟹熱辣辣，又大隻，望到都覺得好正🤤一打開見到講多膏，唔講我真係以為係海膽添！仲要香噴噴，入口肉質非常新鮮，質素絕對對得住呢個價錢。😎我地仲叫左片皮鴨，配埋京蔥，最傳統食法，爸爸媽媽都話非常好食☺️仲有燉湯，用料超足，仲有隻鮑魚仔係裡面，好夠火候。🔥當然唔少得仲有糯米飯任食！成晚整體黎講十分滿意，值得推薦俾大家試試😋😋😋