影片
更多
2021-09-04
252 瀏覽
餐廳位於巷仔內，沿馬頭圍道行就搵到。今日二人試左五個小菜（好大食），分別係黑松露墨魚餅、黃金咸蛋黃炸魚皮、沙拉骨、咸肉椰菜花干鍋同蜜椒薯仔牛柳粒。上菜先黎炸魚皮，用既魚皮厚身，咬落脆但唔死硬，每塊魚皮都包滿左咸黃金，食到咸蛋黃香，調味亦唔會過咸，但上菜是只屬微暖，如果熱啲會更好。之後到墨魚餅，此可謂餐廳招牌菜，差唔多人人都嗌。墨魚餅一碟七塊，入口彈牙，亦食到墨魚粒，餐廳加左黑松露調味，食落同墨魚出奇地夾，松露味亦唔會太重手搞到失平衡，推薦！蜜椒薯仔牛柳，同出面一貫做法差唔多，先炸後炒，薯仔食到脆口，炸得透，牛柳有牛味軟淋無渣無筋，肉質幾好，如果切一粒啲就更好，汁就比較重黑椒味，坊間偏甜既汁呢到就比出面咸同重黑椒味。沙拉骨就用左肋骨位，每舊都大大舊，每舊都咬到啖啖用，豬肉肉質正常唔會過老，調味偏酸，撈飯一流。最後黎既就係干鍋，上菜是仲咋咋聲，柳菜花配以咸肉加上老干媽炒，入口帶麻辣，又係送飯一流。鋪頭仲有出面好小食到既豬油撈飯，飯以缽仔煲起，米粒比平時白飯乾同硬，方便撈豬油及豉油後唔會太濕同軟爛，再撈上芫茜及蔥，淨係飯都食到3碗！（記得問下有無，好快賣哂）鋪有於巷內有幾個鋪位，但都經常爆滿
今日二人試左五個小菜（好大食），分別係黑松露墨魚餅、黃金咸蛋黃炸魚皮、沙拉骨、咸肉椰菜花干鍋同蜜椒薯仔牛柳粒。
上菜先黎炸魚皮，用既魚皮厚身，咬落脆但唔死硬，每塊魚皮都包滿左咸黃金，食到咸蛋黃香，調味亦唔會過咸，但上菜是只屬微暖，如果熱啲會更好。
之後到墨魚餅，此可謂餐廳招牌菜，差唔多人人都嗌。墨魚餅一碟七塊，入口彈牙，亦食到墨魚粒，餐廳加左黑松露調味，食落同墨魚出奇地夾，松露味亦唔會太重手搞到失平衡，推薦！
蜜椒薯仔牛柳，同出面一貫做法差唔多，先炸後炒，薯仔食到脆口，炸得透，牛柳有牛味軟淋無渣無筋，肉質幾好，如果切一粒啲就更好，汁就比較重黑椒味，坊間偏甜既汁呢到就比出面咸同重黑椒味。
沙拉骨就用左肋骨位，每舊都大大舊，每舊都咬到啖啖用，豬肉肉質正常唔會過老，調味偏酸，撈飯一流。
最後黎既就係干鍋，上菜是仲咋咋聲，柳菜花配以咸肉加上老干媽炒，入口帶麻辣，又係送飯一流。
鋪頭仲有出面好小食到既豬油撈飯，飯以缽仔煲起，米粒比平時白飯乾同硬，方便撈豬油及豉油後唔會太濕同軟爛，再撈上芫茜及蔥，淨係飯都食到3碗！（記得問下有無，好快賣哂）
鋪有於巷內有幾個鋪位，但都經常爆滿，想去記得預早去等位或宵夜時去（以往10點後有88折，但疫情關係暫只營業到10點）
張貼
