影片
更多
2023-11-21
239 瀏覽
小店以家庭式主理，主打自家創作壽司、火炙壽司、時令空運魚生，亦有丼飯、沙律等等-👍🏻招牌創作壽司🔸辣鮨三文魚 $9｜🔸珍珠蛋白 $9｜🔸蟹膏牛油果 $9｜🔸柚子哈蝦 $9🔸辣鮨Toro茸 $12｜🔸芝脆帶子 $12｜🔸脆味赤蝦 $12小店獨創嘅口味，整體咁多款調味都幾夾，冇九唔搭八感覺🤣當中我地最鍾意脆味赤蝦同辣鮨Toro茸，赤蝦加入蟹膏，赤蝦鮮味中滲出蟹膏鮮甜味-👍🏻火炙黑鑽帆立貝 $27｜👍🏻火炙左口魚裙邊 $11｜👍🏻鯖魚壽司 $45帆立貝加上黑松露，厚肉鮮嫩香甜，大滿足🤤左口魚裙邊火炙焦香明顯，入口即溶，呢個價錢嚟講算厚身大塊，抵食😛鯖魚冇醃製過，以薑蔥調味，魚味相對比較重-👍🏻金目鯛薄切 $328/20片 (時令價)｜👍🏻島根網池 $198/條 (時令價)｜👍🏻岩手活扇貝 $138/隻 (時令價)｜👍🏻深海池魚 $108/4片除咗壽司，呢度仲有提供時令刺身，新鮮空運直送，款式不定期更新當中我地最鍾意金目鯛薄切，甘香軟嫩，肥而不膩😌島根網池撈入薑蔥調味提鮮，扇貝肉鮮嫩，裙邊爽口，建議唔使點豉油直接食，非常鮮甜深海池魚師傅俾咗腩位我地，魚脂豐腴極肥美，入口油香滿滿🥹店仔細細但刺身
-
👍🏻招牌創作壽司
🔸辣鮨三文魚 $9｜🔸珍珠蛋白 $9｜🔸蟹膏牛油果 $9｜🔸柚子哈蝦 $9
🔸辣鮨Toro茸 $12｜🔸芝脆帶子 $12｜🔸脆味赤蝦 $12
小店獨創嘅口味，整體咁多款調味都幾夾，冇九唔搭八感覺🤣
當中我地最鍾意脆味赤蝦同辣鮨Toro茸，赤蝦加入蟹膏，赤蝦鮮味中滲出蟹膏鮮甜味
-
👍🏻火炙黑鑽帆立貝 $27｜👍🏻火炙左口魚裙邊 $11｜👍🏻鯖魚壽司 $45
帆立貝加上黑松露，厚肉鮮嫩香甜，大滿足🤤
左口魚裙邊火炙焦香明顯，入口即溶，呢個價錢嚟講算厚身大塊，抵食😛
鯖魚冇醃製過，以薑蔥調味，魚味相對比較重
-
👍🏻金目鯛薄切 $328/20片 (時令價)｜👍🏻島根網池 $198/條 (時令價)｜👍🏻岩手活扇貝 $138/隻 (時令價)｜👍🏻深海池魚 $108/4片
除咗壽司，呢度仲有提供時令刺身，新鮮空運直送，款式不定期更新
當中我地最鍾意金目鯛薄切，甘香軟嫩，肥而不膩😌
島根網池撈入薑蔥調味提鮮，扇貝肉鮮嫩，裙邊爽口，建議唔使點豉油直接食，非常鮮甜
深海池魚師傅俾咗腩位我地，魚脂豐腴極肥美，入口油香滿滿🥹
店仔細細但刺身質素一啲都唔輸蝕，整體的確新鮮冇腥，鮮味十足
-
👍🏻米鮨吉列蝦卷 $45/6件
又一特色之作，第一次見卷物用米紙包住，米紙薄身煙韌，中間炸蝦就脆卜卜，加埋個口感幾特別
-
👍🏻牛油果軟殼蟹反卷 $54/6件
呢款相對其他款式味道就比較常見，軟殼蟹夠脆口，牛油果都幾厚身，呢個好飽肚
-
👍🏻火炙鵝肝 $33
估唔到呢度有得食鵝肝多士！匈牙利鵝肝即叫即煎 ，一上枱已經聞到好香，表面微焦脆，趁熱食入口即爆發濃濃油香，完全唔會有騷味，呢個有驚喜🤪
-
👍🏻海鮮沙律 $52
沙律菜新鮮爽脆，調味就係一般日式胡麻醬，勝在油甘魚、吞拿魚、三文魚切粒份量都多，俾得幾足料
-
整體的確係高質小店，大家果然冇介紹錯，去開馬鞍山值得一試🌟
不過位置對區外人嚟講都真係隱世，睇住google map有晒地址都搵咗一大輪😂
-
味道：8/10
性價比：8/10
-
📍#一鮨創作壽司 @abass_createsushi
馬鞍山鞍誠街28號富輝商場1樓11號舖
張貼
