立鮨 (安富大廈) (已結業)

去開荃灣攞野，就順便約朋友食飯，今次去了荃灣路德圍「立鮨」，呢間分店有位坐的，星期五放工時間，真係好多人排隊堂食或外賣，地方細細，坐吧檯，好有風味， 當日我哋兩個人叫咗好多嘢食，全部都好好食，令人回味。廚師發板 10件壽司包括深海池魚、皮剁魚、牡丹虾、新鮮北寄貝、帶子、金目標、尺綠、吞拿魚腩掃羅、魷魚仔軍艦及海膽軍艦。深海池魚 -新鮮美味，清清甜甜。皮剁魚- 面層有肝臟，很鮮味。金目標 -好淋，入囗即溶。吞拿魚腩掃羅 - 好味，無根位，面頭放少少葱，好香。魷魚仔軍艦- 咬入去啲爆膏，好有層次。叫廚師發板優惠價大滿足海膽特盛， 細細碗嘅飯，但係滿滿嘅海膽，真係好鮮味，超級好食。特別推介蟹肉蟹膏軍艦 - 鮮蟹肉絲再加蟹膏，好重蟹味，更有口感及層次。珍寶甘蝦刺身 - 夠大隻，啖啖肉，好鮮甜。另外亦叫了些 燃燒火焰盛盒、壽司、刺身、熟食及沙律， 全部也喜歡吃。