吉列牛忌廉烏冬專門店 (彌敦道) (已結業)

今日朋友生日，我帶咗佢過嚟吉列牛忌廉烏冬專門店食生日飯～依間餐廳我已經食過幾次，覺得食物味道好之餘，食物選擇亦豐富。今次叫咗個吉利牛定食、烏冬、小食同飲品。吉利牛定食包有凍豆腐、車厘笳、飯、吉列牛、麵豉湯同醬汁。吉列牛炸到外皮金黃色，外皮薄薄一層，非常香脆，入面牛肉係生嘅。另外會配個石板爐俾客人將牛肉煎熟，可以煎到自己鍾意嘅熟度。白飯上有味素，食落更香更有風味。咖喱忌廉烏冬味道出色！烏冬口感輕盈，好似泡泡咁，所以食落一啲都唔膩，反而會為烏冬帶來咗重重嘅奶香。咖喱微辣，味道較香甜，烏冬煙煙韌韌。大家仲可以揀要牛肉咖喱忌廉烏冬定雞肉咖喱忌廉烏冬，我今次揀咗牛肉，肉粒都幾多。kobekyu牛油蜜糖單骨雞翼單骨雞翼好多隻！雞翼有先炸過，所以好香脆。牛油蜜糖醬多到瀉，味道甜甜地再帶有蒜香。韓國蜂蜜紅棗茶 & 韓國柚子蜜兩杯飲品都要咗熱，飲品大大杯，都幾滋潤。