影片
更多
2020-02-08
22 瀏覽
之前食過幾間吉列牛 一直心思思想再食今次同朋友搵到一間喺旺角嘅日韓式吉列牛～朋友話之前夜晚嚟食到好爆 所以今次果斷地揀咗lunch時間嚟食完全冇排隊嘅煩惱！呢度嘅午餐有lunch set 不過就冇吉列牛嘅選擇⋯所以唔使諗啦點都叫返個a la carte吉列牛定食先！Wow wow wow我哋未食已經俾佢嘅外表吸引左！比起之前食過嘅吉列牛餐廳 呢度嘅牛肉份量好令人激動！相當靚仔嘅吉列牛定食套餐：有主角吉列牛，沙律同前菜，味素飯一碗，麵豉湯油脂分布相當均勻嘅牛排放上熱騰騰嘅石板爐 隨個人嘅喜好將牛肉燒至適中嘅熟度最後沾上少量Wasabi或者Wasabi沙律醬然後直接放入口就得啦！！真係好好味！帶有少量肥脂既吉列牛 油香一流～真心有啲入口即溶嘅感覺（講緊只係賣緊$150嘅套餐）呢個質素真係要比兩隻手指公你只要望一望餐廳個名 就知道除咗吉列牛之外 你另外一定要叫嘅一樣嘢就係忌廉烏冬！上枱見到呢一碗白雪雪嘅嘢 你就會心諗：我啲咖喱去咗邊？原來就係匿埋左係嗰層白滑嘅手打忌廉下面而呢一層神奇嘅忌廉令到成碗烏冬更加滑嘟嘟！而佢嘅咖喱其實都好香 不過講真食晒一碗真係有少少漏既貪心嘅我哋雖然好飽不過同時都
朋友話之前夜晚嚟食到好爆 所以今次果斷地揀咗lunch時間嚟食完全冇排隊嘅煩惱！
呢度嘅午餐有lunch set
不過就冇吉列牛嘅選擇⋯所以唔使諗啦點都叫返個a la carte吉列牛定食先！
Wow wow wow我哋未食已經俾佢嘅外表吸引左！比起之前食過嘅吉列牛餐廳 呢度嘅牛肉份量好令人激動！
相當靚仔嘅吉列牛定食套餐：有主角吉列牛，沙律同前菜，味素飯一碗，麵豉湯
油脂分布相當均勻嘅牛排
放上熱騰騰嘅石板爐 隨個人嘅喜好將牛肉燒至適中嘅熟度
最後沾上少量Wasabi或者Wasabi沙律醬
然後直接放入口就得啦！！真係好好味！
帶有少量肥脂既吉列牛 油香一流～真心有啲入口即溶嘅感覺（講緊只係賣緊$150嘅套餐）呢個質素真係要比兩隻手指公
你只要望一望餐廳個名 就知道除咗吉列牛之外 你另外一定要叫嘅一樣嘢就係忌廉烏冬！
上枱見到呢一碗白雪雪嘅嘢 你就會心諗：我啲咖喱去咗邊？
原來就係匿埋左係嗰層白滑嘅手打忌廉下面而呢一層神奇嘅忌廉令到成碗烏冬更加滑嘟嘟！而佢嘅咖喱其實都好香 不過講真食晒一碗真係有少少漏既
貪心嘅我哋雖然好飽不過同時都被餐牌上嘅呢一個小食吸引～
就係：蜜糖牛油單骨雞翼單骨雞翼顧名思義就係夠晒方便 一啖擺落口豬晒啲肉就搞掂
香香甜甜又炸得夠脆嘅雞翼 食到我哋兩個舔舔脷！
今次我哋兩個都食到好滿足呢個質素同價錢我哋絕對會再嚟下一次！
張貼
