木玥巷 (已結業)

星期五晚約咗朋友，特登入元朗試呢間台式食店，餐廳位置好方便，喺朗屏站一出行一兩分鐘，落天橋就到，好在早放工，順利入座，過咗一陣已開始多人等小台裝修簡約，主要係木同玻璃，感覺舒服，座位比較密，但枱櫈都好大張，坐落好舒服，我哋坐高櫈，櫈底仲有空間俾客人擺袋，好貼心餐牌選擇都唔少，有好多嘢都好想試我哋點咗三款食物同兩款飲品前菜-琥珀合桃：炸得好香，面頭好夠糖，加埋芝麻，又香又甜又脆，好開胃鹽酥雞($62)-炸得啱啱好，皮脆肉嫩，保留到肉汁，配埋柚子汁，就算已經食咗成碟五大件，依然想繼續食蟹肉金絲炒新竹米粉($106)-米粉炒得好乾身，一啲都唔油，每一條都好分明，完全唔會爛，咬口好好，而且蟹肉同芽菜都好夠多，就算食到尾，依然啖啖都食到蟹肉台式擔擔麵($74)-湯底好香濃，飲完都唔會口乾，麵條煮得啱啱好，唔太硬唔太淋，好好咬，肉碎同花生都好足料，所以食落好香，口感同味道都好豐富木玥招牌水果茶(西柚)($42)-好大杯，隻杯有手臂咁高，有好多唔同嘅水果粒，茶味香濃之餘，西柚同水果味都好濃，又唔會太甜，甜甜酸酸，愈飲愈開胃雪糕氣泡焙茶($58)-好特別，喺其他地方未見過，焙茶味濃嘅有氣梳打，好好飲，