YA! YA! YA! BURGER & BAR (已結業)

雙層安格斯牛肉漢堡成個漢堡好高好足料，每塊漢堡扒都好juicy同埋有牛味，配合埋充滿牛油香既包同埋芝士，層次感一流而且好惹味。跟餐既幼薯條亦都炸得好香脆!黑松露漢堡黑松露味好突出同埋好夾個漢堡扒，唔會搶咗另一個食材既香味，食落口亦都好天然唔會好假既松露味。跟餐粗薯條好有咬口，薯味亦十足!蒜蓉焗田螺蒜蓉十足而且好夠味，加上薯蓉同埋水螺既香味，混合一齊食非常出色，食落亦都好豐富唔會食到滯。食burger當然要飲啤酒啦。呢到有Stella我覺得佢既酸味同麥味好夾食burger! 朋友就飲陳皮山渣茉莉花茶，口感獨特陳皮味好濃郁，飲落好開胃!