一鍋堂 (XX Arcade) (已結業)

今日同男朋友去咗新寶戲院睇戲，睇完戲就去咗附近搵嘢食。咁啱就俾我哋見到一鍋堂，見未食過就走咗去食。🤩一上到去，發現都有幾多人喺度等緊位，所以我同我男朋友都等咗一陣。我哋都好好彩好快就有得入。😙我亦都見到有啲人係訂咗位先嚟，所以想食嘅話都可以訂咗位先，咁就一定唔使等位喇！🤓我哋都幾鍾意食牛，但又覺得唔洗食得太好，所以就揀咗B餐。😗同埋呢一到嘅湯底有好多選擇比人揀，有選擇困難症嘅我諗咗好耐，最後都揀咗我鍾意嘅沙嗲湯底。個沙嗲湯底一啲都唔淡，勁香沙嗲味。😋一坐低，我同我男朋友一嚟就嗌咗啲牛同海鮮，呢度啲海鮮都有幾多選擇，仲有我最鍾意食嘅白鱔，超正！😍😍呢一度嘅牛肉都好高質，好有肉味，完全唔會鞋！😋當中我最鍾意食嘅係牛脷心托！依啲海鮮亦多好新鮮，特別係啲蜆，真係好鮮甜🥳🥳，所以我哋都嗌咗幾次蜆！由於我係超級鍾意食蝦滑，所以我都專登嗌咗蝦滑去試一試佢，果然冇令我失望，好好食！😎😎呢度除咗可以用手機嗌嘢食之外，出面亦都有一啲熟食同埋唔同嘅菜提供。嘢飲方面都有好多選擇，絕對搵到一款你啱飲！🥳估唔到呢到仲有雪糕食，仲可以自己加配料！呢一度除咗嘢食高質之外，店員亦都好細心，會睇吓每個盤有冇嘢食，避免收咗