南洋家

營業中

休息中

銅鑼灣不嬲都好多唔同嘅嘢食，但係好多價錢都好貴，咁啱呢間咁平嘅外賣店就幾岩我食😍😍😍。 不過餐廳同MTR站就有啲距離，位於天后同銅鑼灣嘅中間，好在附近有維園，買完外賣可以拎去食。餐廳主打外賣生意，冇堂食嘅位置，但係品質都冇下降到， 串燒都係即叫即燒，而甜品就有預先包裝好，同埋放曬入凍櫃。款式就包羅萬有，有泰式越式都有，特別係芒果糯米飯，老闆都幾推薦。 不過我去嘅時候係中午，所以我就冇叫到。 反而我叫咗佢哋幾出名嘅粉仔，粉仔可以揀啦辣唔辣，因為係用菜脯調味，呢度嘅自家製菜脯真係幾香口，除咗菜甫之外仲有冬菇同埋蝦米，連埋粉仔食岩岩好，佢好味道我都另外買咗一樽嚟食。🥰🥰而串燒方面，肉質正常，個重點位去到佢哋秘製嘅醬汁到，佢哋係用南洋沙爹醬配搭串燒，沙嗲味香好多👍👍👍最後，餐廳都有提供一啲炒粉同炒飯，我就叫咗個炒烏冬，味道都算正常，喺銅鑼灣黎講，性價比都尚算唔錯。