影片
更多
2024-06-02
56 瀏覽
放工同同事出嚟食下嘢吹下水，近近哋去咗公司對面嘅海濱匯，呢個商場夜晚真係幾靜，但好在幾間餐廳都有唔少食客。好一陣冇食日本嘢，我哋揀咗食海街丼，哈哈，同事叫佢做海丼街，其實人哋叫海街丼呀🤣店員好快安排我哋入咗張二人枱，亦送上餐牌同熱茶，睇下食咩好先。⭐醬汁吞拿魚丼同事揀咗個吞拿魚丼，賣相真係唔錯，上面有醬汁醃過嘅吞拿魚，仲有魚籽同埋吞拿魚蓉，下層喺熱騰騰嘅珍珠飯，旁邊仲附上醋啫哩，店員示意可以加落飯入面變成壽司飯，另外仲會附上一壺高湯，丼飯食到一半可以加入高湯變成茶漬飯，一碗飯就有兩款口味啦👍⭐滑蛋鰻魚定食自己點左滑蛋鰻魚定食，看似普通，但滑蛋用高湯煮過又滑又鮮味，仲有肥美嘅鰻魚，拌飯食真係好好食🤤另外定食仲有碟涼菜、沙律同麵豉湯，高質又豐富。一邊食一邊傾計，唔覺唔覺又到咗餐廳收門的時間，大約八點半左右餐廳送上帳單，抬頭一望原來食客已經走得七七八八，咁我哋都唔好阻行收工喇😆
好一陣冇食日本嘢，我哋揀咗食海街丼，哈哈，同事叫佢做海丼街，其實人哋叫海街丼呀🤣
店員好快安排我哋入咗張二人枱，亦送上餐牌同熱茶，睇下食咩好先。
⭐醬汁吞拿魚丼同事揀咗個吞拿魚丼，賣相真係唔錯，上面有醬汁醃過嘅吞拿魚，仲有魚籽同埋吞拿魚蓉，下層喺熱騰騰嘅珍珠飯，旁邊仲附上醋啫哩，店員示意可以加落飯入面變成壽司飯，另外仲會附上一壺高湯，丼飯食到一半可以加入高湯變成茶漬飯，一碗飯就有兩款口味啦👍
⭐滑蛋鰻魚定食自己點左滑蛋鰻魚定食，看似普通，但滑蛋用高湯煮過又滑又鮮味，仲有肥美嘅鰻魚，拌飯食真係好好食🤤另外定食仲有碟涼菜、沙律同麵豉湯，高質又豐富。
一邊食一邊傾計，唔覺唔覺又到咗餐廳收門的時間，大約八點半左右餐廳送上帳單，抬頭一望原來食客已經走得七七八八，咁我哋都唔好阻行收工喇😆
張貼
