曜謨串燒居酒屋

營業中

休息中

今次要介紹一間喺堅尼地城嘅高質串燒小店，舖頭唔算大，不過裝修好日式，食嘅串燒都相當高質。燒白鱔串，$58最鍾意白鱔嗰種肥美厚實嘅口感，燒出嚟真係好好味，呢間餐廳同平時食嘅港式串燒比起身會淡味啲，冇用太多重口味嘅調味料。豬肉棒，$38平時食嘅係雞肉棒加蛋，今次呢個特別啲，係豬肉做嘅，不過口感同雞肉好似，而加入蛋漿之後更滑更惹味。豚肉芫茜卷，$26半肥瘦嘅豚肉包住滿滿嘅芫茜，鍾意芫茜嘅朋友一定要試，成口都係佢嘅香味。雞胸軟骨串，$34呢個軟骨又推介，燒得好香好脆，好鍾意呢個口感，中間仲夾雜住啲雞肉，好好味。日是燒魚，$98日是燒魚係秋刀魚，層皮好好味，魚肉實正，啖啖肉，加少少酸汁完美。汁燒日本豆腐，$28豆腐冇想像中咁多汁，比較淡味，食得出好香好滑嘅嘅豆腐味，上面加入大量木魚，正。燒飯團，$30最後一定要加個飯團，燒到好似飯焦咁香，飽得嚟又唔會好滯，滿足感大增。