影片
更多
2022-04-02
5193 瀏覽
最近決定慕名去一去位於Ritz-Carlton Hotel 102樓層的香港最高嘅兩星米芝蓮中菜廳🌟🌟-天龍軒喇🐲。環境方面天龍軒貴為著名五星級酒店的王牌餐廳，當然豪不會令人失望啦😍從進餐廳開始，已經開始見到不同列級酒莊的Bordeaux及Burgundy名酒🍷極高嘅樓底，賦予天龍軒🐲與別不同奢華氣派。今次我哋大約15:00左右到達天龍軒🐲超好彩嘅係我哋被安排坐近窗口嘅位置，獲得一個更加好嘅景觀！呢個景觀簡直就係一個無敵海景啊！維港嘅景觀一秒都無離開過我隻眼😍！以小妹所知，呢個位置一向都要提早好耐好耐好耐好耐～先可以擁有📸今次有幸獲得，真係E小姐連環幸運事件🤣。大家睇吓啲食物先💁🏻♀️～今次我同朋友就叫咗天龍軒鮑魚美酒午宴😚當中呢個套餐一向都係以佢嘅性價比著稱！只需要$588一位嘅價錢，就可以享受到天龍軒嘅環境、服務、大廚嘅烹調技巧。真係抵到一個點‼️。係食前菜之前，服務員俾咗天龍軒好出名嘅豆瓣醬同埋酥脆蜜汁芝麻腰果😋都未開始前菜，我朋友已經極速秒左個腰果，好味到想encore🤣。🍽天龍軒獻粹(前菜)「桂花蜜汁叉燒🐷、XO醬花膠蘿蔔糕🥢」🐷叉燒其實係天龍軒🐲嘅其中一個Signature，
。
環境方面天龍軒貴為著名五星級酒店的王牌餐廳，當然豪不會令人失望啦😍從進餐廳開始，已經開始見到不同列級酒莊的Bordeaux及Burgundy名酒🍷極高嘅樓底，賦予天龍軒🐲與別不同奢華氣派
。
今次我哋大約15:00左右到達天龍軒🐲超好彩嘅係我哋被安排坐近窗口嘅位置，獲得一個更加好嘅景觀！呢個景觀簡直就係一個無敵海景啊！維港嘅景觀一秒都無離開過我隻眼😍！以小妹所知，呢個位置一向都要提早好耐好耐好耐好耐～先可以擁有📸今次有幸獲得，真係E小姐連環幸運事件🤣
。
大家睇吓啲食物先💁🏻♀️～
今次我同朋友就叫咗天龍軒鮑魚美酒午宴😚當中呢個套餐一向都係以佢嘅性價比著稱！只需要$588一位嘅價錢，就可以享受到天龍軒嘅環境、服務、大廚嘅烹調技巧。真係抵到一個點‼️
。
係食前菜之前，服務員俾咗天龍軒好出名嘅豆瓣醬同埋酥脆蜜汁芝麻腰果😋都未開始前菜，我朋友已經極速秒左個腰果，好味到想encore🤣
。
🍽天龍軒獻粹(前菜)「桂花蜜汁叉燒🐷、XO醬花膠蘿蔔糕🥢」
🐷叉燒其實係天龍軒🐲嘅其中一個Signature，可惜嘅係反而叉燒係我整餐飯入邊最為失望嘅一道☹️講緊嘅唔係佢差得好緊要，但係對比起我嘅期望，佢啲味道真係略嫌普通🤔唔知係咪因為本人食叉燒不嬲食開半肥瘦，餐廳事前都無問過本人嘅喜好，所以佢嚟咗舊差唔多接近全瘦嘅叉燒😩當然比起一般嘅瘦叉都會好味一啲既，但係真係毫不起眼，對唔住佢嘅招牌菜嘅名🥲
而佢嘅XO醬花膠蘿蔔糕，基本上就係XO醬嘅味道，天龍軒嘅XO醬當然唔差啦，但係就僅此而已，所以前菜令到我對佢嘅食物分數都扣左不少☹️
。
🥣沙參公魚皮燉豬腱
用料唔算好名貴，但係呢個價錢飲到呢一個水準嘅湯，係令人驚喜既，沙參既味道配搭上豬腱，會比你想像中更加搭配，而魚皮滑嫩，亦都令成碗湯嘅層次昇華，令人驚艷🤩
。
🌶紅甜椒窩粑煎帶子
帶子比想像中更加酥香，紅甜椒嘅甜甜酸酸味道帶出咗帶子嘅鮮甜😋反而係因為帶子本身就已經煎得好香，感覺上鍋粑有少少多餘🥲
。
🥬薑汁炒芥蘭
薑汁炒芥蘭本人覺得係一道講夠火喉嘅菜🔥基本上就要將炒芥蘭嘅時間把握到啱啱好先會好食，而佢炒嘅時候除咗用薑汁之外，想點亦都伴上左一啲薑粒，若然你係薑味嘅愛好者，相信你會喜歡呢道菜😋
。
🍚六頭澳洲鮑魚伴瑤柱炒飯
同樣都係一道考手工嘅菜，六頭鮑魚既口感係非常不俗嘅。炒飯亦都係粒粒分明😍可惜嘅係鮑魚汁令到啲炒飯反而變到太濕😔若然改善會喺一道佳餚🌟
。
🥧甜品「椰漿香芋紫米露🥣柚子蜜糖黃金卷🥢」
為呢一餐飯嘅做咗個美好嘅完結，同事廚師亦都額外送咗兩份小甜品俾我哋，圓🈵
。
總括而言，整餐飯喺一等一嘅環境同一等一嘅服務之下係得到唔少分數上嘅提升嘅，略嫌可惜嘅係小妹覺得食物質素可以跟進一步。但係喺呢個價位上邊，我真係收晒貨㗎啦！可以話係我近來最滿意嘅一餐飯😚
酥脆蜜汁芝麻腰果
71 瀏覽
0 讚好
0 留言
天龍軒獻粹(前菜)「桂花蜜汁叉燒🐷、XO醬花膠蘿蔔糕🥢
86 瀏覽
0 讚好
0 留言
沙參公魚皮燉豬腱
62 瀏覽
0 讚好
0 留言
紅甜椒窩粑煎帶子、薑汁炒芥蘭
62 瀏覽
0 讚好
0 留言
六頭澳洲鮑魚伴瑤柱炒飯
48 瀏覽
0 讚好
0 留言
椰漿香芋紫米露、柚子蜜糖黃金卷
48 瀏覽
0 讚好
0 留言
張貼
