Hue Dining (已結業)

原本想為友人慶生，所以揀咗一間高級餐廳，希望會有難忘回憶。雖然最後係難忘，但並非因為食物質素高或環境優美，而是因為作為高級餐廳，竟然都可唔犯出唔只一個極低級嘅錯誤🙃當天到達時候，職員見我哋有拎遮，所以幫我地收起同放好，我同朋友都覺得職員幾細心，有加分。環境好好，望住個維港食咩都覺得好。我哋叫咗個5course 西班牙餐，食物亦叫做可以接受（以金額作比較），但食到三道菜嘅時候，我地發現佢嚟咗第四道，本身諗住可能佢忙，所以無理到，心諗可能佢會之後上返，但點知佢之後無補返，仲上埋甜品😀職員仲將寫咗happy birthday喺碟嘅甜品放喺我面前而唔係我朋友🙃好在我們之後講番，佢有補返道菜，同埋送多個甜品。其實經理好好，之後仲帶我去bar lounge 影相。到走嘅時候，我哋想拎返兩把遮…..但竟然無咗，reception 無人，我返入餐廳搵職員，但嗰個女職員竟然無視我….我最後要搵經理，經理話搵番，但其實拎左一把全新嘅遮俾我哋….（因為個手柄有膠包住）真心覺得呢間高級餐廳可以做好啲，其實每野都細心啲就唔會出咁多錯。但都多謝好人外藉經理，仲有一切嘅烏龍野，令餐飯變得出奇地難忘。