潮藝館

營業中

休息中

難得出咗bonus 一定要食餐好嘅，睇咗isquare 入邊有間高級潮州菜，一於去試一試。一去到門面非常光鮮，完全係有fine dine嘅感覺， 侍應親切有禮，入到去非常之舒服，有賓至如歸嘅感覺。首先我哋嗌咗第一道開胃菜，話梅涼瓜，酸酸甜甜咁，特別開胃。之後我哋嗌咗個湯，非常之高貴嘅菠菜蟹肉羹，用滿滿嘅菠菜打成用，再加上淡淡嘅蟹肉，用個小蠟燭熱住佢，可以睇得出餐廳嘅細心之外。開始進入主菜，普寧炸豆腐，豆腐外脆內軟，加埋普寧醬，相映成趣。食潮州嘢邊少得凍魚，我哋十分好彩，今日嘅凍魚馬友，師傅非常細心，已經起好骨切好晒，一啖咬落去配埋普寧醬，魚肉非常之嫩滑。另外一味主菜，亦都係每一次去潮州菜館一定要食嘅，就係避風塘炒蟹，毫無疑問呢隻肉蟹非常鮮甜，外面嘅蒜蓉配埋蟹肉一啖咬落去，唔會非常太辣搶咗蟹肉嘅味，可以平衡到兩者嘅味道。最後我哋甜品揀咗桂花糕，一嚟到非常之驚豔，連個桂花糕都可以咁有心思整到成朵花咁，仲要佢唔係好甜，可以清清喉嚨，為今個晚餐做一個完美既句號。