影片
更多
2023-11-09
2266 瀏覽
一班朋友咁耐無聚，今日就約左佢地去尖沙咀海港城食中菜。去到門口已經好多人，攞左飛等左30分鐘終於可以入去坐低。餐廳環境好闊落，裝修比較時尚。呢到主打上海，京滬菜。 烤北京填鴨 - 半隻 ($198) 鴨皮同鴨肉分開上，食嘅時候要鴨皮鴨肉連埋青瓜同甜醬用嬤嬤皮包住黎食。鴨皮好脆，連埋青瓜一齊食，完全無油膩感，不錯。 無錫灌湯小籠包 ($98) 小籠包好多汁，皮好薄，配埋正宗鎮江醋，令人有一口接一口嘅衝動。 釀香樓牛肉餅 ($28x2) 呢個牛肉餅嘅汁可以用瀑布黎形容，一咬開肉汁已經不停留出黎，足足裝滿左1/4個碗！但牛肉餅就比較細個。 四川擔擔麵 ($98) 擔擔麵湯底做得好好，辣味同花生味比例好到位，麵條都唔怕煮好過淋，配埋肉碎同花生碎，完全食到擔擔麵嘅精髓。 大元帥蔥油餅 ($60) 我香蔥控朋友指名要點。蔥油餅熱辣辣，食落每一啖都有好多蔥，蔥味勁濃。不過我就略嫌佢有啲油。 最後埋單每人二百蚊左右，食物質素同價錢都合理。不過餐廳有啲嘈，唔適合傾計。
烤北京填鴨 - 半隻 ($198)
鴨皮同鴨肉分開上，食嘅時候要鴨皮鴨肉連埋青瓜同甜醬用嬤嬤皮包住黎食。鴨皮好脆，連埋青瓜一齊食，完全無油膩感，不錯。
無錫灌湯小籠包 ($98)
小籠包好多汁，皮好薄，配埋正宗鎮江醋，令人有一口接一口嘅衝動。
釀香樓牛肉餅 ($28x2)
呢個牛肉餅嘅汁可以用瀑布黎形容，一咬開肉汁已經不停留出黎，足足裝滿左1/4個碗！但牛肉餅就比較細個。
四川擔擔麵 ($98)
擔擔麵湯底做得好好，辣味同花生味比例好到位，麵條都唔怕煮好過淋，配埋肉碎同花生碎，完全食到擔擔麵嘅精髓。
大元帥蔥油餅 ($60)
我香蔥控朋友指名要點。蔥油餅熱辣辣，食落每一啖都有好多蔥，蔥味勁濃。不過我就略嫌佢有啲油。
最後埋單每人二百蚊左右，食物質素同價錢都合理。不過餐廳有啲嘈，唔適合傾計。
張貼
