影片
電話號碼
23476898
附加資料
Walk-in only
營業時間
今日營業
11:30 - 15:00
17:30 - 21:30
星期一至日
11:30 - 15:00
17:30 - 21:30
公眾假期
11:30 - 15:00
17:30 - 21:30
公眾假期前夕
11:30 - 15:00
17:30 - 21:30
以上資料只供參考, 請與餐廳確認詳情
去開Harbour 買嘢，行完已經8:30pm，隨便搵一間餐廳醫肚，見呢間都坐滿人，覺得應該唔太差掛，入去一試。叫咗鴨片頭盤，兩個湯，包括一個「上海大碗雲吞鴨湯」同埋「酸辣湯」，兩個都好飲，尤其是個「酸辣湯」，辣同酸味都好balance，但係收差唔多$80一碗，我就覺得個份量比較少。好耐未食過炸銀絲卷，幾好，個皮夠脆，不過都係份量較細。「嫩雞煨麵」幾好味，反而呢個份量就比較足啦。最另眼相看嘅就係個甜品「炸雪糕」，賣相又靚， 伴碟嘅脆脆同花生都好香口 ， 朱古力味夠濃郁，反而係呢個甜品會令到我想再去。另外個「凍頂烏龍茶」都值得一讚，有回甘味👍🏻
繼續閱讀
同朋友6點一二到，入面全場爆滿、出面好多好多人排隊！攞左飛行街轉頭返嚟！嘩入到個場又逼又焗又嘈！3人枱根本叫多啲餸都擺唔落，枱好細！乜都叫啲嚟試吓！好老實，真係美心中菜一貫作風！乜都平平無奇。片皮鴨半隻：塊皮好厚又癡住啲紙一撕出嚟爛半塊、鴨皮好油、鴨肉唔香冇鴨味。青瓜擺到乾哂。煎牛肉餅、生煎包普通到唔普通。雞絲粉皮醬撈出水青瓜搞到稀、青瓜🥒唔新鮮，粉皮幼切（睇相… 唔明點解撈開佢咁稀，醬都溝淡埋🤔🤔）飲品同蟹鉗最出色（蟹鉗好巨，彈牙，有蟹肉）但我地明明嚟食片皮鴨，但最唔出色係主角….唔值得排隊食。有限時90分鐘，結果太焗太逼，隔離左右全部遊客！日本韓國客加一大班國內遊客，唔知係咪上左啲咩榜比人推薦嚟香港一定要試？？成場都好嘈。好少香港本地人⋯⋯ 所以呢… 行過海港城見到唔洗排隊呀又想食中菜先嚟啦大家！ 唔好嘥時間等位（朋友影相打卡打得靚，味道方面overall 7分啦）太油太膩又熱、生煎包食淨、蟹鉗、鴨都食淨、全部打包（啲呀姐無視你埋單定攞盒外賣🥡、得啲哥哥仔會理下你）埋單$700+ ，我個人覺得平，但真心！中菜唔洗嚟依度食）
繼續閱讀
今日同事升職請食飯👍🏼海港城雖然多嘢食，但要去諗食咩都係有一點難度架，最終同事們投票來決定午餐食咩好😂😂中西日韓泰…..樣樣齊😮💨喺海港城食個午餐其實都有啲難度，午飯時間真係非常之多人，想食嘅餐廳都未必有位，最終大家行咗一個圈，見到最少人排隊就食呢間不過大家同事都抱住冇期望嘅心態，因為始終小人排隊，感覺一定冇咁好食🙈不過大家都出乎意料之外…….🤤餐前小食 青瓜 豆腐卜好入味👍🏼半隻片皮鴨鴨皮油脂分布均勻，食落唔會太油膩加埋鴨肉一齊食👍🏼👍🏼👍🏼釀香樓牛肉餡餅 。兩個起外面脆皮 一啖咬落去爆汁 🫣🫣味道不錯 重牛肉味👍🏼👍🏼雞絲粉皮食落又清爽嘅感覺 🍃有少許辣辣地 令人開胃👍🏼👍🏼無錫灌湯小籠包 6隻熱辣辣 皮薄 啖啖肉汁流出嚟🤤🤤👍🏼👍🏼👍🏼麻辣水煮魚片魚片冇骨，非常好👍🏼👍🏼小小麻辣感覺 味道不錯清炒萵筍絲食咗咁多濃味嘢一定要食個清清地嘅萵筍絲👍🏼無錫骨酸酸甜甜，令人開胃不過有啲硬 🙈🙈最後甜品豆沙鍋餅店員話我哋呢個豆沙窩餅煎得好靚因為我哋早食 可能啲油未去到好黑所以煎出嚟好靚 😂但味道就一般塊皮有啲厚杏仁茶好大浸杏仁味不過本人唔食杏仁，所以冇試過但朋友話好食👍🏼👍🏼👍🏼
繼續閱讀
餐廳名都有個鴨子，即係主打鴨嘅菜式，無諗過個烤北京填鴨，令人失望😌首先唔好講味道，無諗過一坐低就落單叫咗個鴨，知道製作需時，但唔係其他餸上曬之後，等咗差不多一小時都未見隻填鴨，仲要吹先上🥲味道普普通通🙃其他餸份量偏少，價錢又唔平，味道又無乜特別好食😑呢碟津白排得好靚，但一入口完全唔熱，唔知以為係冷盤，好多芡得嚟又無乜味道🫢第一次見小籠包個樣係咁樣🫣搞咩！個皮凹凸！炒飯得啲色水，一啲都唔香。
繼續閱讀
家人又想食片皮鴨，所以一行人到尖沙咀城中鴨子食晚飯。上次試了北京樓，覺得一般，反而彩福皇宴既令我地食過翻尋味，已回頭幫襯多次。雖然知道城中鴨子也是美心集團旗下的，但也想再比多次機會試試佢。美心集團旗下的餐廳可以話品質有保證，但去唔到令人感到驚艷既地步，餸菜都係keep住喺正常既水準。佢個片皮鴨同北京樓的一樣，完全無放調味。我明白要落甜醬，但鴨肉本身都需要少少調味如果唔係太過單調，鴨騷味太dominant。普寧炸豆腐係幾好食，似家樂坊對面既炸豆腐，但如果係咁既價位加一，我不如去街邊督住食好過
繼續閱讀