影片
更多
2023-06-07
774 瀏覽
特別嘅日子要吃得特別點~就嚟個高空優雅中菜!搭電梯直抵101樓層，一到餐廳門口已覺得好有Feel~ 入到餐廳有著柔和嘅燈光，餐桌擺設雅緻，落地大玻璃望著黃昏嘅雲層景色，靚到都唔記得影相。老公一早已睇好Menu，坐低就點Tasting Menu，食物內容非常豐富，一嚟已經有非常特別嘅crossover菜式，法式XO醬蒜蓉牛角包。XO醬味道香濃帶點辣夠晒刺激開胃，牛角包有空氣感又夠脆，加上濃郁芝士脆片同沙律菜，顏色contrast夠悅目，令人期待之後嘅菜式~時令白露荀清酒伴蟶子賣相清雅，白露荀清爽又清甜份量又足，唔會有種食到到喉唔到肺嘅感覺。將清酒打成泡沫為賣相加分，另將魚子、蟶子同清酒伴勻，鮮甜之餘仲有淡淡酒香餘韻~金沙日本南瓜集咸、香、脆、甜於一身，外層脆漿夠薄，金沙醬剛好掛在脆皮上，是看似簡單但巧功夫的菜式。松茸螺頭燉海參睇個名就知係滋補~好鐘意松茸獨有香味，海參夠肥美，螺頭又香甜，用淺盅暖著上枱，做到平均受熱，又清楚睇到湯料，眼睛也在享受食物~香酥花膠伴香檳魚子醬第一次食炸花膠，感覺好特別，軟身花膠被酥脆外皮包著，點上creamy幼滑嘅香檳魚子醬，中菜西食，完全無違和感。麒麟星斑球
搭電梯直抵101樓層，一到餐廳門口已覺得好有Feel~ 入到餐廳有著柔和嘅燈光，餐桌擺設雅緻，落地大玻璃望著黃昏嘅雲層景色，靚到都唔記得影相。
老公一早已睇好Menu，坐低就點Tasting Menu，食物內容非常豐富，一嚟已經有非常特別嘅crossover菜式，法式XO醬蒜蓉牛角包。XO醬味道香濃帶點辣夠晒刺激開胃，牛角包有空氣感又夠脆，加上濃郁芝士脆片同沙律菜，顏色contrast夠悅目，令人期待之後嘅菜式~
時令白露荀清酒伴蟶子
賣相清雅，白露荀清爽又清甜份量又足，唔會有種食到到喉唔到肺嘅感覺。將清酒打成泡沫為賣相加分，另將魚子、蟶子同清酒伴勻，鮮甜之餘仲有淡淡酒香餘韻~
金沙日本南瓜
集咸、香、脆、甜於一身，外層脆漿夠薄，金沙醬剛好掛在脆皮上，是看似簡單但巧功夫的菜式。
松茸螺頭燉海參
睇個名就知係滋補~好鐘意松茸獨有香味，海參夠肥美，螺頭又香甜，用淺盅暖著上枱，做到平均受熱，又清楚睇到湯料，眼睛也在享受食物~
香酥花膠伴香檳魚子醬
第一次食炸花膠，感覺好特別，軟身花膠被酥脆外皮包著，點上creamy幼滑嘅香檳魚子醬，中菜西食，完全無違和感。
麒麟星斑球
食完醬汁濃稠的，轉上清清地嘅星斑~ 星斑肉質結實鮮甜，伴有冬菇及火腿片吊味，食落更有層次。
壹零壹風沙雞
份量十足，特別之處是所有雞肉都已經起骨，包括雞轉彎位置，夾起一件雞肉，再將炸蒜香蔥米通等滿滿一羹一同入口，好滿足~
雲腿上湯浸菜遠
食完肉就食返菜減一減膩，菜芯翠嫩清甜，仲有雲腿吊味。
砂鍋豬肉渣香蔥飯
呢鍋飯真係非常非常非常之香~~大部份豬油已經迫出包裹著每粒米飯，用上砂鍋煮迫出香氣，部份豬肉渣已煮透成脆粒，更有咬口更香口，細細一碗已好滿足~
松露巧克力鐵觀音奶凍
甜品的杯碟以及羹都以花造型，見到都開心，平時食中菜鐘意飲返啖茶，呢個鐵觀音奶凍有異曲同工之妙，成個點品有層次得嚟又唔會太漏~
餐廳有氣派得嚟不失COZY嘅感覺，特別欣賞侍應嘅細心同上菜速度，為左客人可以打卡影到靚相，仲會幫客人打燈，真係超貼心~~
張貼
