影片
更多
2025-07-07
159 瀏覽
昨晚同朋友喺中環ESPUMA歎咗一餐Set Menu加單點菜，坐喺窗邊睇夜景，氣氛真心一流🌃🍤 頭盤四拼先黎一碟頭盤，有牛油果芒果蝦沙律，酸酸甜甜，配上彈牙蝦肉，幾開胃；吞拿魚他他有啲洋蔥同脆片，咬落去口感豐富；辣蟹肉撻雖然份量細，但香辣惹味；焗雙芝法式鵪鶉鵪鶉肉軟滑，配上焗芝士同洋蔥，好香口。🍲 龍蝦濃湯 ($10加配)熱辣辣上枱，香氣撲鼻，湯底好濃稠，啖啖龍蝦鮮味，入面仲有碎肉同忌廉，飲完暖晒胃。🦞 波士頓龍蝦飯 ($40加配)呢個真係全晚主角，隻龍蝦大大隻，已經切件方便食，肉質鮮甜彈牙。飯底吸晒龍蝦汁精華，鹹香又帶少少辣，粒粒分明，食落去每啖都充滿海味，好滿足！🥩 單點西班牙豬鞍扒 ($269)厚切豬鞍扒炭燒得好靚，外層香脆有焦香，中間粉嫩多汁，咬落好驚喜，唔會鞋。旁邊有薯仔片同蔬菜，平衡返啲油脂感，味道幾穩陣。🍹 兩杯凍飲叫咗Ice Fruit Tea同Lychee Tea，兩杯都無糖版，飲落清新解膩，啱晒搭配呢餐豐富主菜。🍰 甜品餐後仲有一個pancake（雖然簡單，但作結尾都幾OK），整體食完份量啱啱好。🌟 總結環境高級有氣氛，最推介龍蝦飯同豬鞍扒。下次想搵地方慶祝，呢度都
🍤 頭盤四拼
先黎一碟頭盤，有牛油果芒果蝦沙律，酸酸甜甜，配上彈牙蝦肉，幾開胃；吞拿魚他他有啲洋蔥同脆片，咬落去口感豐富；辣蟹肉撻雖然份量細，但香辣惹味；焗雙芝法式鵪鶉鵪鶉肉軟滑，配上焗芝士同洋蔥，好香口。
🍲 龍蝦濃湯 ($10加配)
熱辣辣上枱，香氣撲鼻，湯底好濃稠，啖啖龍蝦鮮味，入面仲有碎肉同忌廉，飲完暖晒胃。
🦞 波士頓龍蝦飯 ($40加配)
呢個真係全晚主角，隻龍蝦大大隻，已經切件方便食，肉質鮮甜彈牙。飯底吸晒龍蝦汁精華，鹹香又帶少少辣，粒粒分明，食落去每啖都充滿海味，好滿足！
🥩 單點西班牙豬鞍扒 ($269)
厚切豬鞍扒炭燒得好靚，外層香脆有焦香，中間粉嫩多汁，咬落好驚喜，唔會鞋。旁邊有薯仔片同蔬菜，平衡返啲油脂感，味道幾穩陣。
🍹 兩杯凍飲
叫咗Ice Fruit Tea同Lychee Tea，兩杯都無糖版，飲落清新解膩，啱晒搭配呢餐豐富主菜。
🍰 甜品
餐後仲有一個pancake（雖然簡單，但作結尾都幾OK），整體食完份量啱啱好。
🌟 總結
環境高級有氣氛，最推介龍蝦飯同豬鞍扒。下次想搵地方慶祝，呢度都係個唔錯選擇！
張貼
