影片
更多
2024-05-27
1591 瀏覽
趁老友生日，就乘機約出嚟食餐飯，叫做搵個藉口大家大吃大喝一餐咁解啫。佢早排一家大細去咗芭提雅話幾好玩，今晚嚟到「胡蝶▪泰」再延續泰國滋味。以前都嚟過好幾次「H8 」，呢幢食廈一層一餐廳，所以一出電梯就喺餐廳內籠。四週圍都佈置咗好多植物，加少少泰式擺設，別緻嘅天花燈罩，所以，都幾有泰式風情，整體感覺幾舒服。事後店員更加講話有個6人房同12人房，人夠多不妨包個房，但包房詳情我就無問。主餐牌底面兩大張，非常大張，一版喺主廚推介、頭盤、小食、湯類、蔬菜類；另一版就喺主菜、燒烤類、咖哩、沙律同甜品，選擇頗多。而未點菜店員就同我哋講，期間限定2人同行會送火焰泰式燒春雞，咁樣我哋就可以慳返嗌一個主食。飲品餐牌就晌另一張餐牌度，同樣選擇好多，而且，都頗有泰國特色，仲有啲泰國啤酒供應，所以，我哋都先嗌兩杯飲品嘆一嘆。 珍多三色冰 $38老友就好鍾意三色冰，因為喺椰奶底夠香滑，口感冰涼，裏面有唔少珍多粉條，口感爽滑香甜。事後先知，原來珍多冰同三色冰喺兩樣嘢嚟，因為都喺用上加工過嘅椰漿做底，比較易混淆，有興趣想知其分別，不妨自行上網查吓啦。斑蘭龍眼冰 $38泰國菜普遍都喺濃味啲，辣嘢多，所以今次揀返杯冰凍嘅
以前都嚟過好幾次「H8 」，呢幢食廈一層一餐廳，所以一出電梯就喺餐廳內籠。四週圍都佈置咗好多植物，加少少泰式擺設，別緻嘅天花燈罩，所以，都幾有泰式風情，整體感覺幾舒服。事後店員更加講話有個6人房同12人房，人夠多不妨包個房，但包房詳情我就無問。
主餐牌底面兩大張，非常大張，一版喺主廚推介、頭盤、小食、湯類、蔬菜類；另一版就喺主菜、燒烤類、咖哩、沙律同甜品，選擇頗多。而未點菜店員就同我哋講，期間限定2人同行會送火焰泰式燒春雞，咁樣我哋就可以慳返嗌一個主食。
飲品餐牌就晌另一張餐牌度，同樣選擇好多，而且，都頗有泰國特色，仲有啲泰國啤酒供應，所以，我哋都先嗌兩杯飲品嘆一嘆。
珍多三色冰 $38老友就好鍾意三色冰，因為喺椰奶底夠香滑，口感冰涼，裏面有唔少珍多粉條，口感爽滑香甜。事後先知，原來珍多冰同三色冰喺兩樣嘢嚟，因為都喺用上加工過嘅椰漿做底，比較易混淆，有興趣想知其分別，不妨自行上網查吓啦。
斑蘭龍眼冰 $38泰國菜普遍都喺濃味啲，辣嘢多，所以今次揀返杯冰凍嘅龍眼冰。今次杯龍眼冰加入班蘭元素，其實，班蘭本身喺味淡嘅食材，所以，唔會話太突出，但整體飲落味道清甜，龍眼肉亦都好清潤。
泰式燒豬頸肉沙律 $118呢一款沙律絕對喺極具泰式風味，沙律抵用上生菜、西芹、洋蔥、青木瓜絲、車厘茄……等等，加上泰式調味，酸酸辣辣，辣勁頗強，但非常開胃醒神；而燒豬頸肉有別於常見切食薄片，而喺切成一嚿嚿，食起嚟更對口感，肉質更加彈牙。
泰式燒豬頸肉沙律
$118
4 瀏覽
0 讚好
0 留言
芒果軟殼蟹米紙卷 $108多數食越南菜嘅時候先會食到米紙卷，泰國菜就少啲，不過，見依款米紙卷以芒果及軟殼蟹入饌，就好想試一試。一客有4件，賣相晶瑩剔透，外層嘅米紙咬落煙韌，而內裏捲住芒果條、軟殼蟹之外，仲有生菜、甘筍絲，令到口感更加清爽，味道更多層次。
芒果軟殼蟹米紙卷
$108
4 瀏覽
0 讚好
0 留言
泰式咖喱一向都非常有特色，分青咖喱、紅咖喱、黃咖喱，今次我哋就試試青咖哩海鮮煲，蒜蓉包就食得多，所以揀配手抓餅。啲青咖喱好有辣勁，小弟就食到投降，老友就話食得過癮。而煲內嘅海鮮都好正，有蟶子仔、鮮魷魚、鮮蝦及青口，仲加咗少少茄子同蘆筍，啲海鮮食得出新鮮貨，味到鮮甜。
火焰燒春雞 $188喺主廚推介嘅三款菜式之一，本身定價$188，依家就有期間限優惠2人同行免費贈送。呢道菜嘅亮點就喺個火焰，侍應奉上成隻烤雞之後，淋下烈酒後一點火，瞬間火光熊熊，好有儀式感。之後請侍應拎入廚房幫你斬件就得，但我哋就想食得豪爽啲，自行一開四搞掂。餐廳提供埋膠手套，可以拎住1/4燒雞嚟食，感覺特別過癮。燒雞外皮香脆，帶少少焦香，皮下脂肪少，零油膩感，雞肉更比預期中嫩滑好多，點埋特製嘅醬汁，酸酸辣辣，更加滋味。
本來有打算臨尾嗌多個甜品「芒果糯米飯」，但食埋個燒雞已經好飽吓，今餐實在好豐富，而且，樣樣都好食，加埋啲招呼唔錯，喺家性價比高嘅餐廳。就算好似今日只喺平日晚上，都一樣咁旺場，可見一間餐廳食物質素好，又有亮點，自然會多人幫襯。
張貼
