念川居 (MOKO新世紀廣場)

營業中

休息中

琴日同屋企人一行3人嚟飲茶。 點知唔試由自可，一試便上癮。我哋一共食咗10種點心，甜品加糖水。其中有，金山鵪鶉蛋燒賣，高湯牛肉丸，香茜牛肉腸，芙蓉海鮮芋角，沙嗲金錢肚，雪山叉燒包，鮮蝦香煎腐皮卷，生磨芝麻卷(菲林)，蛋白杏仁茶，桂花薑茶花生湯圓。當中必食推介，生磨芝麻卷芝麻味香濃，口感嫩滑，好似食緊腸粉咁。芙蓉海鮮芋角加咗海鮮做餡料嘅芋角，食落唔會漏， 外皮炸得酥脆可口，一啲都唔油膩，一口氣可以食兩個。另外鍾意食鹹蛋黃同鵪鶉蛋嘅朋友 可以試下 ，金沙鵪鶉蛋燒賣。其實每樣點心都好食，食得出點心師父嘅心機。絕對值得再返嚟試其他點心。