鳳城酒家 (干諾道西) (已結業)

星期六同男友去上環的一座古廟拜神，拜神前諗住食個午飯先，講講下大家都想飲茶，最後就決定去老字號鳳城啦酒家樓面不算很大，我地一入到黎已經坐無虛席了。鍾意食蓮藕既我叫左個順德煎藕餅，粒粒蓮藕好好口感，煎得好香。蛋煎糯米雞，好少地方有得食，煎過既糯米飯入口特別正豬潤腸，腸粉皮又薄又滑，豬潤都好爽口，好食！魚翅灌湯餃，好大隻呀！放落隻碗到成碗滿晒！入面有蝦有蟹有魚翅等，好豐富，男友最愛紅棗糕，冇諗過會成條鯉魚咁上好香紅棗味！因為外面好多酒樓都係冇咩味的！最後見佢午市有特價，梗係叫返半隻佢出名的當紅炸子雞！就算係雞胸都非常嫩滑！真正的皮脆肉嫩！果然冇令人失望