新泰東南亞餐廳 (已搬遷) 新店位置

近排想食泰國菜，朋友搵左呢間話口碑唔錯，於是book去試下。一收工即去，所以六點半就到左。我地order噶都係一般食開噶泰國野，冬陰功湯，串燒（豬、牛、雞），泰式炒金邊粉，芒果糯米飯。呢個細噶冬陰功湯，份量真係好細，每人得一碗湯，好彩隻大蝦都大隻兼好味，補番數。不過個湯偏酸。呢個金邊粉，好好味，份量都ok。有蝦又有豆腐乾，材料都幾足。呢個串燒都好好味。我地覺得豬肉係最好食噶，有豬肉味，又甘香。雞肉都唔錯，但牛肉就有小小鞋啦。但係個醬真係無敵好味，配串燒一流啊。芒果糯米飯份量都係偏少，兩個人分，唔夠喉囉。但味道都唔錯，尤其係白糯米。椰漿都好好味。