BINGER

營業中

休息中

做完嘢路過，見到馬師道口有間新開嘅雪糕店有雞蛋仔賣，又唔多人，就試吓。竟然有驚喜，芝士蛋黃雞蛋仔，超級美味，芝士半溶兼粒粒雞蛋仔都有咸蛋黃醬，內軟外脆，幾肥都要食，仲要襯熱食。個人覺得比媽X雞蛋仔更好味（利申：典型芝士、咸蛋控一名）。另外叫咗藍莓乳酪都好飲，如果有得揀「不另加糖」就更好了。可能因為平日下午時間，只得1人落 order 兼整嘢食，等了大約10分鐘，都合理。因為少人仲可以坐住佢張鋪名長椅抖一陣，唔錯。