要大贊職員姨姨笑容滿面，殷勤服務，食得超開心。
餐廳喺凱途發展大廈3樓，下午5:30營業到凌晨12:30，無限時任飲任食7小時！真係太誇張啦。
最欣賞餐廳唔少自家製食品，醃蘿蔔青瓜、蝦片、羅漢果茶、自家製炸響鈴，炸蝦丸、自家製韭菜餃等等嘅小食。我最鍾意羅漢果茶清熱解毒，職員姐姐話完全冇加糖，係羅漢果嘅本身甜味。一渣渣放喺雪櫃拎返埋位飲。
首先上菜係雞煲，我哋揀咗小辣，食完可以再添一次。雞煲真係超級入味，真正色香味俱全，職完姐姐教用炸響鈴點雞煲汁，都超好味㗎。
職員大力推介濃湯花膠雞鍋，餐廳煲咗三個鐘嘅湯底，淨係飲雞湯都好好飲。開始打邊爐之後餐廳就會陸續上唔同嘅菜品，食完可以再點餐。海鮮拼盤真係超新鮮，鮑魚好生猛。龍躉肉同白鱔片都係推介菜品，龍躉肉非常厚肉彈牙。
呢度真係好適合一大班朋友同親戚聚會，好有氣氛，最重要係唔限時唔使趕住走。
1
25
