老三火鍋雞煲海鮮放題

營業中

休息中

已經食過無數次，質素一樣無變，每年生日都唔知去邊度食，因為好多地方都要限時，而且又想食新鮮嘅海鮮，所以就選擇咗老三，先嚟個雞煲，仲有新鮮即炸響鈴，今次雞煲仲要加埋水魷魚同豬皮，吸晒味之後簡直冇得頂，再嚟過海鮮拼盤，今次照樣加龍蝦及聖子，淨係食海鮮都已經飽晒，仲有茶汽水任飲，酸蘿蔔都好正，會keep住繼續食，賣點新鮮以及無限時，每位員工都好熱心同好有禮貌，唔會因為冇限時就趕客，真心推介，必須要訂位，因為好爆，如果唔係就要早入場食。

朋友敘舊，想搵地點方便又唔使趕住走，於是我大膽介紹大家試吓呢一間 我食過一次覺得好正，試吓第二次係咪依然保持咁好水準我先打電話預訂，到場唔使等我哋星期日晚，6點食到10點，大家都食到好滿足好開心飽住走本來諗住好似上次咁，$248+10%唔使$300都已經好正先有雞煲+即炸響鈴，雞煲味道有水準，即炸響鈴，店員話用樞機腐皮即炸，簡直係畫龍點睛超好食，好趣口加濃濃嘅豆香，食完仲可以添加跟住到火鍋，我哋揀咗花膠雞湯鍋和蟲草竹笙鮮菇鍋，我哋覺得花膠雞湯好味到不得了，未打邊爐先每人飲咗半碗，仲有幾塊真花膠可以食（圖中有的龍蝦是我們另外再加錢的）$248+10%包括每人一件以下海鮮我哋跟足店員指示烚幾多分鐘，每樣海鮮都好鮮甜爽口，個個大讚好味今次大家想試吓加龍蝦和繩子，每人加多$7x，超新鮮即劏又鮮甜，正啊我同朋友都鍾意任食嘅龍躉片和白鱔片，彈牙爽口朋友鍾意佢哋嘅手打蝦丸，出奇地好食，超足料滿滿的蝦肉味其實佢哋雲吞水餃都係自己包又足料，但我哋已經好飽，冇再添食安格斯牛添食咗兩次， 大家又係飽到冇再嗌冇辦法，我哋十個都係成人，戰鬥力有限食飽之後大家飲吓嘢傾吓偈，飲品都有兩個櫃好多選擇，仲有自己煲羅漢果

First time having Hot Pot and First CHRISTMAS in Hong Kong. I am From Michigan in America and this is my review of first Hot Pot experience. The staff were friendly and made me feel welcome as they explained the process. The food was fresh and absolutely delicious. Also your drinks are unlimited and they have a huge selection. Desert was a mini ice cream and that’s unlimited also. For price add another $10 HKD for Holiday, otherwise $248 HKD per person unlimited. My Family and I were there for 3

打邊爐大家食唔少，雞煲都唔係特別新意。不過今次呢間老三火鍋，都可以值得介紹俾大家去食。全包連加一都唔使三舊水，冇時間限制，呢個就係最好嘅賣點。嗰日上到去，人頭湧湧，差唔多全場坐滿，我哋一大班人，老細俾咗間房我哋，講嘢大聲啲都唔怕。先嚟個雞煲，唔會太驚喜，食完就叫夥記加湯打邊爐。每枱送一個海鮮拼盤，有鮑魚、元貝、蟶子、生蠔、蝦同蜆，都新鮮，不過呢盤係一次過，唔係任叫。其他嘅食物例如肥牛、豚肉、各式肉丸都係任叫任食。免費飲品，種類繁多，飲到你唔飲。嗰晚6點幾坐到差唔多10點，飲飽食醉，開開心心咁捧住個肚離開。

鮑魚花膠海鮮盤。裡面包含鮑魚、花膠同海鮮等精選食材。鮑魚嘅口感鮮嫩，花膠則帶嚟一種綿滑嘅口感。海鮮嘅鮮美同鮮味令人讚嘆。整個盤子彩色繽紛，勁吸引。每一口都帶嚟豐富嘅口感同層次，真係令人愉悅。香辣滑雞煲係一道傳統嘅中式煲仔菜。滑雞肉嫩滑多汁，配上香辣的調味料，味道更加突出。煲仔裡還有蔬菜同其他配料，增加咗層次同豐富嘅口感。香辣滑雞煲帶嚟一種辣味同香氣，正到震。

鄰居介紹嘅老三火鍋，疫情前已經食過。食物質素keep到但份量係少左。一開始上左個雞煲可以選擇辣度，記得要同姐姐講加三寶。加左豬皮，魷魚，牛百葉一齊煮好快有得食，唔夠再加雞。之後要叫湯底，疫情前後最大分別係花膠雞鍋個份量少左。都明嘅，依家生意難做，餐廳其他食物質素真心唔錯。會送個海鮮，多數有蝦，鮑魚，帶子。老三嘅龍躉同鱔片係回本位，全部好新鮮，魚肉有彈力。牛同豬依個價格唔會好高要求正常質素，佢啲餃，丸不過不失，都係主攻魚。甜品有香港出品嘅海鹽同咖啡雪糕，好多任食餐廳都會見到。

今晚book左枱4個朋友仔去打邊爐 間野好正 食物質數喜出望外任飲任食之餘最大既好處係無限時間我地足足坐左四粒鐘暢所欲言值得一讚既係D員工佢地態度友善亦好笑容又定時主動加水和執枱令人驚訝既係佢竟然記得食客個姓因book枱有留貴姓兼且我地坐卡位時隔離枱有兩張大圓枱較嘈吵佢地D員工會走埋黎顧及我地感受實在令人極度滿意👍👍👍👍👍

經友人推薦下第一次光顧，坐下不久先來品嘗雞煲，可以選擇辣度或不辣，雞肉入味，口感嫩滑。享用雞煲後，再來自選湯底海鮮火鍋，飲品和其他配料都是任飲任食的，只是環境比較嘈吵。整體用餐經驗不錯。

呢到都係食完雞煲再換新湯底比你打邊爐，每枱人頭計有一盤海鮮拼盤，海鮮幾新鮮。任食的食材一般，不算特別出色，但可以接受。最好係無限時任坐。 任食食材推介龍躉肉同白鱔片，個人都中意響鈴，牛肉豬肉同其他食材就普著通通，但合格。每位272$，任食任坐，可以試一次。

來旺角吃雞煲火鍋放題，看到這間「老三火鍋」無論在價錢上、食物的品質和服務的質素都很不錯。齊來看看有甚麼好吃？首先每枱必有「生猛鮑魚海鮮盤」包括：海蝦、鮑魚、元貝、帶子、花甲、刀貝、黃硯、蕃薯蜆、生蠔... 當然是不算新鮮「濃湯花膠雞煲」有含豐富的骨膠原下圖左邊是白鱔片和龍躉片（雙拼）下圖左邊是韭菜鮫、魚皮鮫、墨魚丸沒有太大魚腥味，鮫皮比較厚和多粉這碟是安格斯牛肩胛，薄切偏肥湯底：蟲草竹笙雜菌湯底，無油，有粟米，有杞子，素食低脂之選總括來講，每位成人 HK$248.00星期五六日和假期前歹 加HK$10.00計埋加一，賣單位位 HK$284.00雞煲，海鮮，蔬菜，茶，汽水，雪糕任食，三百元有找，算是很不錯了！

鐘意食海鮮的你可以試下，尼間的海鮮好新鮮，海鮮係按人頭給，但係海鮮都唔算細隻。不過火鍋配料都只係可以按人頭揀幾款，款式的選擇少侍應都好nice ,好詳細和有耐性教我地點整最好食

❇️收費$248+1無限時 任飲任食.❇️食物雖然係任飲任食，但其實都包含左一d係無限叫，一d係套餐fix左既.1️⃣定食套餐-生猛鮑魚海鮮盤已包括（隨機六款新鮮海鮮）：鮑魚，海蝦，元貝，聖子，花甲，黃蛽，刀貝，蜆及生蠔.2️⃣定食配料有一d 配料，一開始就會上左一round例如：西班牙豚肉片，手打蝦丸，安格斯牛肩胛等等.3️⃣任食追加配料.4️⃣任飲飲品一般氣水都有齊仲有更特別既自家製羅漢果茶等大家食雞煲 無咁熱氣總括而言，冇限時同朋友傾吓計，慢慢食，十分唔錯但就未能要求超高質

地點超近旺角地鐡站，不過喺商業大廈樓上 ，要細心留言個入口。環境非常熱鬧，幾乎座無虛席，但卡位好好坐，同朋友傾偈舒服唔會覺得周圍太嘈，自成一角咁雞煲不過不失，覺得可以叫辣啲，中辣都冇咩料到。海鮮拼盤正常，海鮮都幾新鮮打邊爐鮮料有質素，嚟得亦相當快而且嚟得足！牛肉唔會一味肥，亦唔會叫多幾次就質素下降，蝦滑墨魚丸爽滑彈牙，鵝腸肥美總括黎講真係相當抵讚，性價比高，服務又好，值得推介！飲品甜品選擇多,coke zero plus 都有。

老友太耐冇見，梗係想搵個地方，可以坐得耐d吹吓水，最好選擇梗係無限時火鍋放題，比我搵到一間位於旺角嘅老三，入坐後第一個感覺係呢度好嘈，仲好大陣煙味，飲品係自助型式，頭輪先來一個🐔煲，味道不錯，之後換了個花膠雞湯底打邊爐🍲，湯底很淡，再來個海鮮拼盤，每款都談不上新鮮，呢度d牛肉以任食嚟講算唔錯，其他丸類和餃子為普通貨色，但佢哋嘅手打蝦丸卻很出色，爽口彈牙，食咗兩個幾鐘，侍應見我哋停咗手，已經走嚟清枱，跟手已遞單比我哋結帳，乜唔係無限時咩😅

朋友介紹，即興上去老實說，真的很普通，親眼看到一碟金菇放在手推車上，旁邊竟然是一盤剛收拾完的餐具垃圾，就這樣推去送給人廁所很污糟，沖不到水，地下全是積水，去了一次就不敢再去，一邊食一邊忍尿5人給了一張4人枱，還說坐一陣幫我們轉大枱，最後我們一直坐在坐位上等，看見旁邊有枱走人，要自己找人換枱！7:00到達7:30先有雞煲上枱食物方面，雞煲不入味但還算滑，其他火鍋配料真的麻麻地。總結：真的可一不可再一次好了