牛一哥韓式燒烤放題

營業中

休息中

過年期間經常都要出街應酬食飯，平時食自助餐、日式放題、打邊爐放題都食得唔少，今次轉移陣地去韓燒放題🇰🇷呢間位於旺角創興廣場嘅牛一哥韓式燒烤放題，現場環境闊落，裝修都幾新凈👍坐低冇耐之後，店員就會即刻送上九宮格拼盤🤩拼盤裡面有好多唔同種類嘅肉類！牛、雞、豬通通有齊晒😀😃😄對於食肉獸嘅我，真係好滿足😋👻海鮮選擇亦有唔少，大大隻扇貝當然唔能夠錯過啦😬睇到都流口水，食海鮮絕對係食燒烤放題其中一個回本位😆聽職員介紹，前菜由正宗韓國廚師主理，質素絕對有保證😎每樣執啲，就過足口癮🤪除咗冷盤之外，仲有熱食、湯品😁暖櫃裡面有好多韓式熱食，韓式薄餅、炸雞、炸饅頭！除咗放題自助區食品之外，都可以散叫唔同菜品，大家掃Qr Code就會見到，例如有醬油蟹、韓式生牛肉、韓國鰻魚等等😈啤酒款式幾多元化🍺百威、青島、海特、匯泉都有！食到好飽都循例要整返杯雪糕🍦今次呢隻花生醬味，又幾得意😝