牛一哥韓式燒烤放題

好耐無對一間香港既餐廳咁高評價，食物不錯，選擇不算多，但味道都可以，個人覺得牛仔骨和豬頸肉都值得一試，飲品放面，無酒精飲品選擇雖然不多，但都五臟俱全 ，加上燒肉一定要有既啤酒，而且仲有真露都是任飲，真係鍾意配酒既朋友既一種享受,但最最最令我同朋友不得不留下評論既原因係，服務態度！！！！我地覺得完全係超出標準，香港現在很地餐廳都被人感覺服務不夠好，但哩到既員工真是比大大個讚佢地，用餐期間佢地好似無時無刻都留意到客人有什麼需求，有問題查詢呀，換網，點餐，服務員都面帶笑容，令我地都感覺到佢地服務態度非常好，另外因為當日我地有人生日有蛋糕，但我地掛住傾計不知不覺過左時間，我地詢問左他們員工可唔可以坐多陣切埋蛋糕先，佢地表示沒無問題，開玩笑咁叫我地陪到佢地收工，當然我地無啦手，之後仲叫我地食完再叫佢地幫我地清乾淨枱面再幫我地拎蛋糕切，好老實今時今日既香港餐廳，好耐未試過見到一間服務態度令人非常舒服既餐廳，，真係值得大家去試試。…查看更多

哩間係放題韓燒，有豬牛雞羊，仲有海鮮類，扇貝，魷魚等，肉類肉質唔錯，調味都好，特別鐘意牛仔骨，仲有可以任叫三文魚刺身，都大大份，唔錯。有多款熟食，咖喱雞串唔錯，韓式泡菜煎餅冇味。雪糕最鍾意藍鹽味，好好食。員工服務可以。…查看更多

服務態度非常好 有禮貌 落單準時 上菜速度快 唔會趕人走 坐好耐都無問題 野食好味 新鮮 會教埋你點燒 同埋唔會扮忙無視你 甜品OK 最重要係有求必應 價錢合理 會再去試 依加4人訂座仲有9折 …查看更多

價錢合理, 午市成人168加一, 兩小時韓式烤肉放題. 有長者及小童優惠.QR code落單, 上菜很快. 落單後一兩分鐘已經上枱. 客人點多少份量不會扣起. 最高興是有無限量牛仔骨供應. 這裏純粹提供韓燒食品, 沒有豬腳薑,冬蔭公,碗仔翅等供應. 但是這裏的肉類不會支離破碎或過份醃製. 配菜, 沙律, 水果及醬料亦很新鮮. 大麥茶略淡, 熱紅棗茶很濃鬱好喝. 冷飲櫃亦有提供啤酒汽水及茶. 但甜品是這裏的弱項. 不過我俩不好甜食, 所以沒有所謂.這裏座位非常寬敞舒適. 環境整潔明亮, 而且是一人友善. 店員態度有禮. 其中一位男店員積極協助教授燒烤技巧. 雖然說是兩小時放題, 其實只要沒有人等位, 他們到時候会先結帳但不會叫客離座.已經多次午市光顧, 每次只有幾台客.最近數次去光顧, 入座率每況愈下. 昨天下午1時30分光顧, 只見到六個客人. 由二時起是我倆自己包場. 真係希望這餐廳可以捱過這個浪.…查看更多

一人友善嘅韓燒 🤗有時真係好想一個人靜靜地食下嘢🍢🥩🍗呢度座位好闊好舒服環境乾淨。用QR CORD落單，食物都上得快。職員又會好細心咁提我發燒烤板夠熱可以燒啦！佢哋收拾整理枱面都好快手。食得好舒服！今次已經係第二次一個人嚟食啦！…查看更多

我同家人都好鍾意食燒肉，呢一日就去咗旺角創興廣場嘅牛一哥燒肉放題。地方都好寬敞，枱面上有足夠空間擺放食物，一坐低就會送上九宮格牛盛盒，肉嘅種類都幾多，有牛肉、牛舌、牛肋粒、牛腩片、五花豬腩肉、豬頸肉、羊肉、燻鴨等等。海鮮就有蝦、蜆、多春魚、青口、鮮魷、魚柳等。自助區有韓式前菜、紫菜飯卷、韓式炒粉絲、年糕、炸雞等。總括嚟講，午市$168嘅價錢任飲任食兩小時，仲有咁多嘢食都真係幾抵，食物質素和服務都好好👍🏻。三文魚刺身都係任叫，好新鮮，正😋😋😋飲品都有好多，正值減醣中，呢度都有幾種無糖嘅飲品👍🏻👍🏻📍牛一哥韓式燒烤放題 (旺角)旺角彌敦道601號創興廣場1樓101-116號舖…查看更多

網上睇到介紹呢度有任食生牛肉刺身，咁就過嚟試吓，上網爬嗰吓文，話呢度態度惡劣，夠鐘就趕人走，所以我都有個心理準備食完就走，(最後我冇呢個感受)！訂枱係星期五晚上七點，朋友因車位問題遲咗10幾分鐘，我先到，前台姐姐就話坐喺入邊等齊人先入座，我坐咗喺飲品櫃前邊，姨姨話可以隨便飲住嘢等，我就梗係唔客氣，飲罐啤酒先，到齊人入座，ee 仲問我哋呢個鍾唔鍾意依個位，依下我覺得幾貼心!!平時嗰啲放題死都唔俾你揀位！值得一讚！到坐低點嘢食，呢間係手機落單送過嚟嘅，就唔使出去拎，出邊有少量熟食，啫喱，雪糕醬油，汽水就要出去自己攞，可能食慣咗其他韓式放題有豬腳薑，不過呢間係冇豬腳薑！講港式韓燒，都係有三文魚，牛仔骨，牛扒嗰啲，依家味道就好少少，個羊肉好得，其他就各有千秋，重點係生牛肉，第一碟就比較凍，啲雪還未溶，味道被封住，之後再落單，叫多四碟，攤凍先食，咁味道就好返啲，就係雪梨唔夠多，鮑魚正常，鰻魚幾好，欠少少鰻魚汁，朋友話見到佢哋啲員工燒得好靚，真係要學吓人點燒，唔食鰻魚！都試咗半舊，都係肥美冇乜腥味！整體食物我覺得對得住個價錢！。講返之前爬文話太度惡劣嘅感受，可能老闆睇見已經將態度惡劣嘅員工搞掂咗，先講吓入座前我影張相俾朋友話我哋到咗，後尾先睇到櫃檯姐姐居然擺出勝利姿勢！未入座，姨姨又話可以隨便飲嘢，大衛姨姨又問我哋張枱鍾唔鍾意，重點就係買單，我哋約7:15入座.咁佢9:15。就攞張單過嚟要求我哋先埋單。，就話買單後我哋可以隨便坐，因為冇人等位，叫買單嘅原因係驚有多張枱同時埋單令到等候時間較長老闆唔鍾意，又再重新話我哋可以慢慢坐！(我哋幾個朋友都覺得佢係有啲壓力🤣🤣)整體服務同食物都係中上！就淨係冇豬腳薑😂😂…查看更多

牛一哥韓式燒烤放題，位於香港旺角彌敦道601號創興廣場1樓101-116號舖。預早在openrice訂位有九折，$258位，任飲任食兩個鐘。店內環境寬敞，店員有禮。食物種類多，自助區有炸物、炒飯、韓式年糕、煎餅、沙律、韓式前菜、gimbap、雪糕、啫哩和飲品等等。個人推介一定要點口感軟腍的牛仔骨、牛味濃厚的原粒頂級肉眼、爽口彈牙的牛舌，另外還有各款肉類和海鮮可以選擇。整體價錢合理，食物多款式，座位舒適。🏷️溫馨提示～ 整個用餐體驗均屬個人分享意見， 只作參考😊。牛一哥韓式燒烤放題(香港)地址: 香港旺角彌敦道601號創興廣場1樓101-116號舖…查看更多

1月3號食晚市，當日係平日夜晚，6：30兩個人去食，其實環境好坐，食物質素真心唔錯，而且過程啲男職員全部都好好禮貌，可惜明明大把枱，一夠鐘就有個職員埋黎話要埋單，當時男職員好有禮貌咁話：你地埋單先，不過可以慢慢坐，本身仲諗住下次再約朋友黎食。點知埋完單，個金髮女職員(疑似管理層)即刻拉架車黎，極速清晒枱面所有野，連啱啱開既野飲都拋埋，然後坐多左5分鐘之後，佢仲好無禮貌咁行埋黎話我地張枱夠鐘，要我地即刻走唔怪知明明環境乾淨好坐，食物質素唔錯，價錢又合理，其他職員全程都好好禮貌，但係由食飯到離座都有8成空枱啦雖然有限時，但係咁無人既狀態下，爐又熄埋，大不了都係飲你餐廳一兩盒飲品，但個職員居然咁鬼趕客，作為客人寧願去食啲質素無咁高既，都唔受氣啦…查看更多

做冬兼呀娘牛一。Open Rice碌碌下見到牛一哥,個名都幾岩生日就試試啦.地點又就腳.Book左4位,餐廳都安排到大卡位,坐得舒適.衛生既,雖然燒烤餐廳,但無特別油油的同一陣味,就算被安排角位,都可以用舒服形容既,地下亦無痴笠笠感覺,相比起其他既燒烤餐廳,可取😙Order左扇貝,蝦,蛤,海鮮唔錯,都洗得乾淨無沙又唔係梅,完全接受.出面仲有熟食,魷魚蘇,粉絲,菠菜…你up到既韓國前菜佢都一定有仲有炸熳頭等由於一開始無抱特別期望,所以無影相.不過覺得呢間餐廳值得為佢寫篇好評.職員都有禮貌,亦都無因為你坐角位而忘記幫你收野整體：絕對好評,可返Cheuk 味道：都夠味既,睇你自己既燒烤技巧啦因為book左位而open rice做緊四位九折,相對即係免加一,完全係抵過你食其他放題…查看更多

啱啱食完中午放題，去到時見冇乜人，擔心伏，都心大心細不如去牛站，終於冇失望！食物ok，上菜快，員工服務態度良好，自動自覺去換燒網，過左落單時間，又樂意幫手落手寫單，呢個價錢十分抵玩！…查看更多

星期四去旺角辦事，經過創興廣場見到呢間韓國餐廳入去試下，見Menu價錢合理，Lunch Set 唔貴又冇加一，叫了鐵板牛仔骨，先上四小碟，爽口好味。牛仔骨好多塊，D肉嫩又多汁，唔會太老，都有5,6塊甘多,白飯都好煙韌餐廳很大，卡位好寬，坐得寬敞又舒服😊午餐的甜品有雪糕和紅棗茶選，因為唔食凍護胃就飮紅棗茶，紅棗味好濃郁！Set Lunch$88 四小碟又有肉又有菜，加上紅棗茶☕大滿足！抵食…查看更多

呢間▪︎牛一哥韓燒▪︎起左甘奈，我都未去試過……8月25號（星期日），食7pm,今日紅日係貴D,但幾好食嘅！！！算食得滿意，座得幾舒服！！！飲品就唔太多……但有Jolly Shandy（檸檬味）飲，算唔錯甘啦，會有下次！！！有我中意嘅哈密瓜＆西瓜食！！！雪糕有；榴槤味、香芋味、朱古力味、芒果味、雲呢拿味、海鹽味＆曲奇味！！！下次再同朋友嚟食…查看更多

環境乾淨衛生，生同熟食物選擇都幾多，個人覺得炸雞翼都幾好食，仲有嗰個熱既紅棗茶好好飲，其他感覺都正正常常甘，上次夜晚9點入場人均收費都系二百幾左右，唔貴都可以試下…查看更多

有朋帶咗幾個兒女自遠方來, 想揾間韓式餐廳聚一聚. 禮貌上由我請客, 咁點都要睇住個銀包食鈑啦, 比較過旺角多間韓式餐廳, 呢間燒烤放題嘅性價比好似唔错, 於是訂咗晚市放題.網上成日有人話香港D食肆, 今時今日嘅服務態度甚麼甚麼. 今次招呼都算幾好, 除咗有問必答外, 中途還主動將燒到好多炭個烤盤換咗.前菜同肉類有多款選擇, 一開始掛住食前菜同冷盤, 到食烤肉已覺得半飽, 食咗一粒鐘, 幾個小朋友已開始食甜品, 面對剩下成檯肉都幾頭痕, 唯有我同朋友努力D清檯, 用咗半粒鐘只剩下少少肉就當睇唔到算數, 最後以僅餘嘅空間食西瓜, 涼㸮, 啫喱, 雪糕, 以飽肚角度算係極大滿足.…查看更多