熊小館

營業中

休息中

今次嚟到MegaBox留完冰，梗係試吓樓上嘅熊小館，嚟到就二話不說點左個二人餐先，上菜速度都好快，幾分鐘都唔使就嚟咗個湯同埋個蒜蓉包啦，個西湯同埋個包其實都幾夾。跟住嚟到主菜就有意式焗肉醬茄子同BBQ豬肋骨，BBQ豬肋骨值得一讚，外邊同入邊都好入味，重點係唔會好乾身，而且十分juicy，茄子就正正常常不過不失同埋好多芝士。跟住，叫埋個卡邦尼意粉都好惹味同埋重芝士忌廉，喜歡意粉嘅人不容錯過。最後，仲加咗$18叫咗個心太軟，個心太軟岩岩焗出黎，入邊真係好熱仲有朱古力漿流出黎，真係好吸引！呢到仲有間房，放咗啲熊仔公仔同生日裝飾，岩哂小朋友黎開生日會。