二鍋頭 (嘉芙中心)

營業中

休息中

位於嘉芙中心嘅二鍋頭, 環境闊落舒適, 有家庭式聚餐感覺。先吃熱鍋再打邊爐, 真係雙重享受, 性價比都幾高。先吃火焰牛尾煲, 都係首間餐聽有得任食, 熱辣辣牛尾炆得很入味, 肉質腍滑,少辣嘅辣度很惹味。再食埋豬手煲和雞煲, 已經飽咗一半。食完熱鍋打邊爐, 火鍋湯底揀咗鷓鴣湯底, 都係首次食到。鷓鴣湯有蟲草花, 五指毛桃, 紅棗等材料, 充滿藥膳香味, 湯水清甜。打邊爐唔少得蔬菜, 多款新鮮蔬菜, 西洋菜, 娃娃菜, 通菜和菜心等以供選擇。加上粟米, 蓮藕和雞脾菇, 配料豐富。安格斯牛板腱和安格斯封門柳肉質嫩滑, 牛味濃郁。鵝腸和牛柏葉爽脆甘香, 白鱔片鮮甜爽滑, 不油不膩, 多吃也不覺飽滯。