味火鍋 (雅仕洋樓)

氣溫急降又落毛毛雨，打邊爐係最好選擇，晚上去尖沙咀亞士厘道嘅味火鍋，餐廳環境闊落，卡位、圓枱各佔一半，特別在佢嘅四部曲。第一部：精選頭盤有雞煲、酸菜魚、佛跳牆、焗波士頓龍蝦、焗生蠔5選1。我地揀咗龍蝦同生蠔，即叫即焗上枱熱辣辣，芝士香濃，生蠔同龍蝦比想像中更新鮮，龍蝦彈牙、生蠔飽滿。第二部自選湯底，可選鴛鴦湯底，選了豬骨湯同牛肝菌湯鍋，有好多豬骨同茶樹菇，湯底濃郁又唔會咸。第三部皇牌火鍋拼盤：今日時令海鮮有大蝦、蟶子、鮑魚、生蠔、龍躉斑塊同手打丸，另一盤牛肉拼盤有安格斯牛小排、牛肩胛同牛板腱，非常豐富，海鮮都好新鮮，牛肉質素係偏高。覺得唔夠喉可以進入第四部曲：有廿款以上食材任叫任食，首推紫菜嚮鈴卷，過一過鍋吸湯非常好食，自家水餃都係好味之選。❗❗限時：係無限時呀！😆，三百幾蚊無限任飲任食到零晨一點，材料非常新鮮，坐得舒服，一班朋友傾談聚餐最好不過，仲有每位贈送Mövenpick 高級雪糕一杯，性價比一流。😆