影片
更多
2022-05-15
391 瀏覽
上次食完Mr. Crab by the Captain's House嘅lunch set，見隔離檯嘅海鮮袋好吸引，今次就黎尖沙咀嘅姊妹餐廳再試試😋~餐廳樓層好高，有L型大玻璃窗，可以眺望尖沙咀市景，內裡都係以海洋同船為主題嘅裝修，位置間隔算寬闊，適合朋友聚會傾計。 ❤ Seafood Platter呢個係餐廳嘅一大gimmick，店員用藍色膠袋加網袋裝住一堆海鮮，加埋我地預先選定嘅醬汁大力shake shake，然後喺圓形盤度打開，感覺就好似啱啱從海裡面打撈出黎咁😍。袋入面有青口、蜆同海蝦各10隻，肉質都幾新鮮，配料仲有大量粟米、原隻薯仔同司華力腸，一定食得飽😆。胡椒牛油汁只有淡淡胡椒味，反而牛油味非常濃郁，怕辣嘅朋友都唔使驚。 ❤ Louisiana Crab Cake蟹餅以小食黎講比較大份，而且切開已經見到有一絲絲蟹肉，非常足料，食落每一啖都有蟹肉絲，加上酸甜醬汁同芽菜，正好中和蟹肉溝忌廉嘅飽滯感。 ❤ Bolognese Spaghetti呢個肉醬意粉上面係有一個拳頭咁大嘅免治牛肉球，由於疫情關係，店家需要煮到10成熟，以前就多數係7成熟左右，肉質會更加鮮嫩。牛肉球中間係有半溶
❤ Seafood Platter
呢個係餐廳嘅一大gimmick，店員用藍色膠袋加網袋裝住一堆海鮮，加埋我地預先選定嘅醬汁大力shake shake，然後喺圓形盤度打開，感覺就好似啱啱從海裡面打撈出黎咁😍。
袋入面有青口、蜆同海蝦各10隻，肉質都幾新鮮，配料仲有大量粟米、原隻薯仔同司華力腸，一定食得飽😆。胡椒牛油汁只有淡淡胡椒味，反而牛油味非常濃郁，怕辣嘅朋友都唔使驚。
❤ Louisiana Crab Cake
蟹餅以小食黎講比較大份，而且切開已經見到有一絲絲蟹肉，非常足料，食落每一啖都有蟹肉絲，加上酸甜醬汁同芽菜，正好中和蟹肉溝忌廉嘅飽滯感。
❤ Bolognese Spaghetti
呢個肉醬意粉上面係有一個拳頭咁大嘅免治牛肉球，由於疫情關係，店家需要煮到10成熟，以前就多數係7成熟左右，肉質會更加鮮嫩。牛肉球中間係有半溶芝士，而且芝士味比一般肉醬意粉濃郁，有少少blue cheese嘅味道，好適合芝士控🤣。
❤ Peach on the Beach
用薄荷葉、新鮮青檸汁、蜜桃果茸同薑汁汽水製成嘅mocktail，味道清新。
❤ Blue Ocean
鐘意呢杯飲品有好靚嘅海洋藍色，有夏天嘅感覺🍹。材料有薄荷葉、荔枝肉、藍柑糖漿同雪碧，味道比較甜，而且有唔少荔枝肉，口感唔錯。
張貼
