Sky726

餐廳位於旺角726號嘅頂層，有落地大玻璃飽覽夜景，地方雖然唔大但整體氣氛十足，令人感覺舒適，適合慶祝/約會。店員服務態度有禮，仲會主動幫每枱食客影相，十分貼心👍前菜有Avocado Green Salad，牛油果軟熟又creamy，蔬菜新鮮，搭配新鮮水果，開胃又健康。Lobster Bisque味道濃郁，強力建議一定要加點餐包，配住食真係perfect match！主食有Grilled Lobster Tail with Lobster Sauce Linguine，波士頓龍蝦有半隻，咬落鮮甜，爽口彈牙、扁意粉掛汁，軟硬度適中。另外有Iberico Pork Rack，肉質嫩滑多汁，適合分享。甜點有Tiramisu，朋友生日可以叫店員寫上Happy Birthday，咖啡味十足，配上幼滑細膩嘅cream可中和整體味道。Cocktail有Orange Vodka Tonic同Mermaid Tears，打卡一流，後者酒香味更突出，值得一試。