輝

營業中

休息中

見今日假期，打算出去食好啲，又唔想食太油膩，日本嘢係最好嘅選擇！見喺公司附近就揀咗呢間餐廳。夠晒近😂坐低見到呢度有阿媽家姐食，選擇困難症嘅我諗咗好耐，最後都係諗住散嗌，hahaha嗌咗個刺身拼盤，帶子好鮮甜表面仲有檸檬皮點綴，拖羅好肥美，仲有深海池魚，晶瑩剔透！食落一啲都唔腥！蝦夠爽口彈牙，可惜份量唔夠多。仲嗌咗壽司12貫，海膽好有驚喜，顏色好靚，食落鮮甜。最特別係鮑魚飯，中間有個紫菜醬，滿口紫菜味好香，喺餐廳自家製。其他都OK有返咁上下水準。串燒就嗌咗一串免治雞棒同燒鰻魚，全部都係即叫即燒新鮮熱辣。唯一缺點係價錢貴咗啲，逢時過節慶祝黎食都唔錯。