茶木‧台式休閒餐廳 (黃埔天地)

營業中

休息中

茶香三文魚湯漬飯 三文魚煎得啱啱好，外層有少少脆邊，魚肉嫩滑；茶湯用咗烏龍茶同玄米茶製作而成，茶味清香，配埋炸米通、木魚絲同櫻花蝦一齊食，口感豐富。軟殼蟹龍蝦汁手作麵 軟殼蟹炸得酥脆，咬開重有好多蟹膏；手作麵麵條扁身，口感煙韌，每一條都掛滿鹹香濃稠嘅龍蝦汁，正紅油抄手叫咗少辣，辣度剛好，皮薄餡足。抹茶鮮果流心歐軟再飽都一定要點！抹茶流心入口香滑醇厚，茶奶比例極佳，茶香濃郁得嚟唔苦澀，奶滑醇厚而唔甜膩最驚喜係入面有好多麻糬，軟糯黏口～熱黑糖珍珠奶茶（加奶蓋） 奶蓋另上呢點好細心，因為熱飲加奶蓋會熔得好快，奶蓋另上就冇呢個問題個奶蓋好香芝士味又夠凍，倒落杯熱珍奶度，有種冰火嘅感覺，好好味。