一家

營業中

休息中

餐廳好骨子、乾淨，連碗筷都靚靚。店員爽快有禮貌。餐牌多選擇、有特色，食物價錢公道。 ✦ 香炸鳳尾魚即劏即炸，食落香脆、甜甜哋少少辣，可以連骨當小食食，好開胃。 ✦ 小籠包皮薄餡靚，肉團鮮美，多湯。見隔籬枱兩個人嗌咗四籠。 ✦ 醬炒花菜茶樹菇椰菜花茶樹菇各有口感，索晒啲汁之餘，依然食得出清甜。 ✦ 一家葱油白切雞滿滿嘅葱油，顏色鮮豔，上枱聞落已經好香，一啖食落去食口葱油香。雞肉份量多、嫩滑、有雞味，聽店員講係新鮮走地雞。值得一提係完全唔膩，兩個人清得晒。 ✦ 財氣滿滿 (東坡肉拌麵)This is the best. 賣相靚之餘，東坡肉肥瘦分明、肥而不膩瘦而不柴，而且非常入味、食落甜甜哋。拌麵沾晒東坡肉醬汁，好食。強烈推介。 ✦ 滋潤養生茶 (季節限定)新鮮雪梨、無花果、蜜棗、玉竹等，養生潤喉，好啱冬天飲。 bookmarked, 下次嚟筲箕灣做嘢再返嚟食其他菜式。