影片
更多
2024-08-07
226 瀏覽
元朗最近開咗2個新商場加點經過翻新之後仲多咗好多餐廳進駐今次就同屋企人食咗台式料理餐廳新裝修特別乾淨企理 今次叫嘅菜式都幾有驚喜 好值得介紹俾大家👏🏻🔸黃金蕎麥鹽酥雞 HKD68 平時食嘅鹽酥雞多數都係一口大小但呢度嘅size有半隻手掌咁大嚿😳用咗台式炸法 外皮夠酥脆 啖啖雞肉非常juicy 調味亦都唔會太咸另附有柚子汁🔹無花果黑醋骨 HKD95先將一字骨略炸可以將肉汁鎖住黑醋汁酸中帶點甜 醬汁掛滿每一件骨 無花果則選用果乾 兩者放埋一齊又幾特別值得一試🔸蜜薑脆鱔 HKD108將鱔肉外皮炸至乾脆 但依然保持到魚肉嫩滑唔腥每一件鱔片都沾上蜜糖 整體味道偏甜🔹鮮蚵手工安格斯滷肉飯 HKD88平時食嘅滷肉飯都係用上五花肉呢度反而用貴價安格斯 好奇味道會係點！肉經過滷汁炆煮非常入味用咗油脂較少嘅牛肉食落肉味更濃同埋冇咁重負擔！蚵仔大大粒非常鮮味 加埋滷肉一齊食 兩者可以平衡返個味道😋⭐️好欣賞呢度嘅茶飲有4款茶底可以揀大紅袍/高香茉莉/桂花烏龍/竹香鐵觀音🔸冬桂珍珠鮮奶茶(桂花烏龍) HKD28口味揀咗半糖 可以飲到桂花烏龍嘅清香珍珠Q彈 水準絕對比得上坊間嘅茶飲店🔹春苿香水檸檬茶(高香茉莉)H
元朗最近開咗2個新商場加點經過翻新之後仲多咗好多餐廳進駐
今次就同屋企人食咗台式料理
餐廳新裝修特別乾淨企理
今次叫嘅菜式都幾有驚喜
好值得介紹俾大家👏🏻
🔸黃金蕎麥鹽酥雞 HKD68
平時食嘅鹽酥雞多數都係一口大小
但呢度嘅size有半隻手掌咁大嚿😳
用咗台式炸法 外皮夠酥脆
啖啖雞肉非常juicy 調味亦都唔會太咸
另附有柚子汁
🔹無花果黑醋骨 HKD95
先將一字骨略炸可以將肉汁鎖住
黑醋汁酸中帶點甜 醬汁掛滿每一件骨
無花果則選用果乾 兩者放埋一齊又幾特別
值得一試
🔸蜜薑脆鱔 HKD108
將鱔肉外皮炸至乾脆
但依然保持到魚肉嫩滑唔腥
每一件鱔片都沾上蜜糖
整體味道偏甜
🔹鮮蚵手工安格斯滷肉飯 HKD88
平時食嘅滷肉飯都係用上五花肉
呢度反而用貴價安格斯 好奇味道會係點！
肉經過滷汁炆煮非常入味
用咗油脂較少嘅牛肉食落肉味更濃同埋冇咁重負擔！
蚵仔大大粒非常鮮味
加埋滷肉一齊食 兩者可以平衡返個味道😋
⭐️好欣賞呢度嘅茶飲有4款茶底可以揀
大紅袍/高香茉莉/桂花烏龍/竹香鐵觀音
🔸冬桂珍珠鮮奶茶(桂花烏龍) HKD28
口味揀咗半糖 可以飲到桂花烏龍嘅清香
珍珠Q彈 水準絕對比得上坊間嘅茶飲店
🔹春苿香水檸檬茶(高香茉莉)HKD34
茶底有茉莉香氣
加埋香水檸檬酸酸甜甜 感覺好清爽
🚩玥
元朗鳳翔路2-6號加點地下C028號舖
張貼
