玥

ﾟ･𖥸────── -ˋˏ 𝓜𝓮𝓷𝓾 ˎˊ- ──────𖥸 ｡ﾟ･𓌉◯𓇋  二人套餐 HKD398包括湯、海鮮、主菜、蔬菜、主食及甜品♂ 黑蒜雞湯 (2 盅)熱騰騰的燉盅，深啡色的湯內有多種材料，包括黑蒜、雞腳、菇菌、杞子等，味道濃郁而不油膩，淡淡黑蒜香氣散發出來，十分清甜。♂ 蜜薑脆鱔鱔片大塊，炸得外脆內嫩，鱔肉厚而無骨，炸皮薄而沾有蜜糖香味，反而薑味較淡，不需擔心會被薑味嗆鼻！♂ 皮蛋三杯雞鐵鍋盛載，份量頗多，雞肉大塊而炸得香口，皮蛋也有炸過，口感軟綿綿，鹹香惹味，送飯一流。♂ 樹子香菇炒水蓮產自台灣，低熱量、高纖維，翠綠鮮爽，與香菇和蒜蓉炒香，調味剛好！♂ 手工安格斯滷牛肉飯（2碗）牛肉粒燉煮軟腍，滷汁好入味，肉質入口即化，白飯粒粒分明，與鹹香醬汁拌勻，是高級版的滷肉飯。♂ 芋泥芋圓鮮牛奶 (冰)顏色搭配豐富，十分奪目！有芋泥、三色芋圓、桃膠、黑糖珍珠、紅豆，加入香甜冰牛奶，倍感滿足。…查看更多

最近去左元朗 YOHO PLUS，逛完一輪商場，找到喜歡吃嘅台灣菜 - 玥，品嚐下用心烹製嘅台灣料理～入到餐廳，以綠色為主調，色澤素雅，給人一種舒適自然感覺。地方都好闊落，有兩邊大玻璃窗，遠望街景好開揚。晚餐時段來到，點選 "二人套餐"  $398，包括湯、海鮮、主菜、蔬菜、主食及甜品，感受地道風味既台灣料理。黑蒜雞湯       (2 盅)熱騰騰嘅燉盅，湯入面有好多材料，包括黑蒜、鮮雞、肉排、菇菌、雞腳、杞子等，濃郁而不油膩嘅燉湯，淡淡黑蒜香氣散發出來，十分足料。塔香鮮蚵煎蛋蚵仔選料新鮮，粒粒飽滿，煎至外脆內軟，加入獨特調味，鹹香鮮味真是令人回味～皮蛋三杯雞一上枱熱辣辣，用咗鐵鍋盛載，三杯雞層次豐富，雞肉嫩滑好入味，皮蛋口感軟綿綿，每一口都充滿正宗台灣味道。香菇樹子炒水蓮產自台灣嘅水蓮菜，翠綠鮮爽，與香菇和蒜蓉炒香，調味啱啱好，食落鹹香又滋味。手工安格斯滷牛肉飯     (2 碗)安格斯牛肉炆至軟腍，滷汁好入味，入口即化，牛肉鹹香惹味，與醬汁拌勻一齊食，啖啖都有濃郁台灣風味。芋泥芋圓鮮牛奶依碗望落好吸引，顏色豐富！材料多樣化，有芋泥、三色芋圓、桃膠、黑糖珍珠、紅豆，口感爽滑，加入牛奶香甜滋潤。…查看更多

今晚過黎 Yoho Plus 食飯，有天橋連住，地鐵經Yoho mix 果邊行都好快到。呢間台灣菜位於地下果層，入左商場轉彎就見嗱！門面、室內設計都簡單舒適，有花心思。我地叫左個二人餐，見佢款式都多又有得揀，而且仲包左飲品同甜品；另外仲叫左個鹽酥雞做前菜。黃金蕎麥鹽酥雞鹽酥雞炸得香脆好味，炸粉唔厚而且脆，同埋鹽酥味唔濃，點埋佢個蜜糖（？）醬，咸咸甜甜幾好味。湯：黑蒜雞湯第一次飲黑蒜湯，以為係勁重蒜味，但飲落唔錯，有雞湯味外仲有啲麻香味。湯料有雞腳、菌類同黑蒜，雞腳食得出係燉足火喉，飲完之後都冇口渴。海鮮：蜜薑脆鱔食落外面脆脆地，入面鱔肉都滑幼嫩，有蜜糖香味，口感唔錯！薑絲都有處理過，反而薑味唔濃喎。主菜：皮蛋三杯雞上菜用個鐵鍋，熱辣辣咁好吸引，雞肉食落嫩滑彈牙，九層塔香味好夾。皮蛋有炸過再一齊炒，好惹味，送飯一流。蔬菜：香菇樹子炒水蓮第一次食水蓮，冇我想像中咁粗同大條，咬落有啲爽口既。味道方面都炒得唔錯，咸淡適宜。主食：手工安格斯滷牛肉飯用左安格斯牛肉取代平時食開既豬肉，味道幾好食呀！有牛肉味但又夾到滷水味道，又幾好喎，而家份量都唔少。甜品：芋泥芋圓鮮牛奶最後食完上埋甜品，配料好豐富，有紅豆、芋圓、珍珠、桃膠同芋粉喺底，佢仲有薏米，而薏米係做左醬爆珠咁既效果，幾得意。另外仲有一杯牛奶做既綿綿沙冰倒落去一齊食，整體味道唔甜，啱啱好，份量都好夠。加埋兩杯台式特飲，最後兩個人真係食到好飽，可能再黎食既台灣菜！…查看更多

呢間「玥」都開左差唔多一年，成日經過都見到有人食，今日終於去試下。我哋星期六下午1:00左右入去，等左10分鐘就有位，都幾多人食，環境幾好。我地四位用餐，一人一個餐，包前菜同蜂蜜綠茶（凍/熱），轉特色野飲每杯減$10， 野食好多款，價錢ok。🔅濃豆乳湯鮮腐竹擔擔麵🔅招牌牛肉麵🔅安格斯滷牛肉飯配蘭王溏心醉蛋（蛋有少少酒）配白飯🔅純素豆乳湯麵🔅小食：黃金蕎麥鹽酥雞（冇影到相😅）✅唔逐一講，我食招牌牛肉麵，個湯底幾清甜，牛𦟌幾淋👍🏼入味。配菜用西蘭花芯比較少見，好嫩，麵既份量亦唔少。✅我飲下我媽淡豆乳湯，湯底都幾濃豆乳味。✅個小食黃金蕎麥鹽酥雞值得一提，個甜酸汁好開胃好夾d雞！鹽酥雞炸到鹹香，又脆又唔會好鹹。✅其他果幾樣我親戚們食左都話OK, 我睇落去賣相都唔差，呢間野係有少少意料之外好食😋🤵🏻‍♀️服務唔錯，後生女有禮貌，每份餐都逐盤放返去相應既客人面前，唔係求其放，要求佢地比多份餐具都唔會黑你面。（其實呢啲係好基本既服務態度…唔知點解香港餐飲業食客咁可憐😔，要覺得呢啲應該讚）不過星期六人多，食完過多陣就要交枱，唔算好催既，香港地食野文化係咁🤷🏻‍♀️，冇得坐耐啲傾計💬。…查看更多

平時收工同老公係元朗搵野食，想搵一間性價比高又裝修靚靚嘅鋪頭，依間「玥」基本上可以達到晒要求～佢位於加點地下，裝修都好靚，而且坐位亦都好寬落😍二人套餐（$398）新推出嘅2人餐已經包左湯、海鮮餐品、主菜、主食同甜品，抵食之餘又可以一次過食到佢最推薦嘅菜式。🌟黑蒜雞湯（2盅）睇到個湯名以為會品好食，但出奇地黑蒜同雞都幾夾，而且黑蒜對身體都好有益，可以增強免疫力。成個湯都幾清甜，有淡淡嘅蒜香味👍🌟塔香鮮蚵煎蛋台灣嘅蚵仔煎我就最中意食，加埋九層塔令香氣更加出，蠔仔粒粒都漲卜卜而且好新鮮，份量都幾多👍👍蛋亦都煎得好焦脆🌟安格斯滷牛肉飯豬肉嘅滷肉飯就食得多，牛肉嘅你又食過未？肉質滷得入味又夠腍😋而且仲額外多左牛油嘅香味🌟芋泥芋圓鮮牛奶甜品我地就揀左芋泥芋圓鮮牛奶十分有驚喜😍用左好多款傳統台式糖水嘅配料，例如：紅豆、馬蹄爆珠、芋圓同珍珠，加埋牛奶一齊食，口感非常豐富😍而且牛奶唔會好甜👍所以食晒成碗都唔會好滯…查看更多