반찬앤쿡 Banchan and Cook (時代廣場) (已結業)

呢間起時代廣場9 樓，其實已經唔系第一次食，之前疫情果時有coupon 試過幾次都覺得好正，今次時隔大半年再黎一次，依然覺得無得輸連鎖黎講我覺得呢間韓式餐廳整體水準保持得好好，餐牌耐唔耐轉下，服務生遇過既全部都好有禮貌，野食質素長期保持高水準，唯一要彈既位可能就系張枱唔夠擺我地叫既野食🐖 🍳韓國炸豬排蛋包飯$128次次黎都會叫一份蛋包飯就知佢做得幾好，今次炸豬排系第一次叫，果然無令我失望，一如既往既出色。例牌既流心蛋漿，職員會起你面前切開佢，睇住佢慢慢反開真係食慾大開。 D飯系少少濕既，撈埋d 汁同蛋漿個口感幾夾，不過如果佢切開完個蛋之後會再起上面淋少少汁就10/10個豬排都炸得唔錯，不過就稍為薄左少少，調味適中，如果唔系鍾情吉列豬排可以試下其他🌹玫瑰醬八爪魚年糕$89呢比較有驚喜，本身少食韓國菜，玫瑰醬唔辣又幾惹味，年糕長身軟糯配搭個醬唔覺唔覺可以食完一碟，呢個推薦如果有可以試試🥤荔枝蘇打$42正正常常，同炸雞食一流🐔🍗韓式炸雞（半份）$108呢個都係每次黎都叫，真係炸得好好食，外脆內軟，咬落去爆油，d醬汁都夠，淋滿曬每舊雞，如果你係睇緊呢篇食後感既，聽我講，叫左一定唔會後悔！