影片
更多
2023-05-14
869 瀏覽
呢間餐廳全部都係卡位，用上紅色絨布梳化，充滿日式傳統咖啡店味道。我哋叫咗紅酒燉牛肉，焗白汁蝦仁同兩杯咖啡。紅酒燉牛肉$90紅酒燉牛肉炆得相當軟腍，食咗幾啖之後酒味慢慢滲出嚟，下面啲薯仔都炆得好腍，屬高水準之作。焗白汁蝦仁$85 呢碟比較濃味，蝦仁非常彈牙，加上芝士醬汁比較傑，有少少似mac n cheese。呢兩碟都有附送多士，可以搽啲配料上麵包食。Komeda 咖啡$39 (跟餐加$20)可以按喜好加入忌廉及糖。咖啡豆非常香，私心鍾意多忌廉，口感會更加幼滑。牛奶咖啡$40 (跟餐加$20)牛奶味相當濃，口感順滑。餐廳座位私隱度高，適合家庭或三五知己休閒輕食或食個安靜午餐。下次一定要嚟試下甜品！
紅酒燉牛肉$90
紅酒燉牛肉炆得相當軟腍，食咗幾啖之後酒味慢慢滲出嚟，下面啲薯仔都炆得好腍，屬高水準之作。
焗白汁蝦仁$85
呢碟比較濃味，蝦仁非常彈牙，加上芝士醬汁比較傑，有少少似mac n cheese。呢兩碟都有附送多士，可以搽啲配料上麵包食。
Komeda 咖啡$39 (跟餐加$20)
可以按喜好加入忌廉及糖。咖啡豆非常香，私心鍾意多忌廉，口感會更加幼滑。
牛奶咖啡$40 (跟餐加$20)
牛奶味相當濃，口感順滑。
餐廳座位私隱度高，適合家庭或三五知己休閒輕食或食個安靜午餐。下次一定要嚟試下甜品！
張貼
