コメダ珈琲店

營業中

休息中

衛生情況欠佳。身為日本餐廳，一拉開櫈，成張紅色絨櫈充滿麵包碎，檯面都係。咖啡杯癡笠笠，明明我杯嘢冇糖架⋯⋯今日叫左下午茶Pizza包，日本果個好食，一開始Komeda係香港開時都好好食，點知質素係保持唔到。伴碟沙律好大份，沙律汁開胃好食。個份量冇少到。包極厚極大方，但厚得滯，唔脆，芝士比之前少咗好多，成個Pizza包咬落去太厚實呆板，個質素有啲似屋邨麵包屋。咖啡反而保持到水溝奶嘅水準。本來仲想叫冰與火，日本好好食，但諗起上次嚟果時已香港冰火都唔太好食，都係作罷。食完個Pizza，好慶幸自己冇一錯再錯。Overall有啲失望，短期都唔會再嚟。

之前從未喺香港光顧過呢間咖啡店， 嚟之前睇過一啲負評，主要都係講服務態度同質素問題， 心裏面打左底， 最後決定試下係咪真係咁差劣。我係早上10點半後到達，當時冇人等位，我照襟左飛，只見有位服務員幫緊幾位排隊既客人埋單， 而另一位服務員就捧著餐行過，返嚟行過果陣就叫我等陣， 之後就call飛號，帶我入座。 成個過程我覺得ok， 都冇話被冷落，如果要挑剔既話，就係少左份熱情同笑容， 呢樣對一間老牌日式咖啡店嚟講的確係有啲格格不入。11點前只可以叫份三選一既早餐，我㨂左美式咖啡配烚蛋、多士搽草莓醬， 追加$10燒賣。烚蛋稍為過熟左少少但可以接受，多士味道不過不失，美式咖啡還好， 燒賣細細粒ok夠熱。食完已經過11點，我又點多個漢堡，味道唔差，份量足夠，食完可以唔駛食午餐埋單果陣等左一陣先有服務員過嚟，問題應該都係唔夠人手？ 呢樣真係要正視一下，服務質素好唔好係會影響客人仲選擇嚟唔嚟光顧，服務唔夠好，就算啲野幾好食，都會令人卻步！ 況且Komeda食物雖然夠大份，但係價錢唔夠平民化， 希望服務質素可以提升返，咁先可以取得平衡。

情人節那天忽然想起這間的甜品，於是就專登千里迢迢去紅磡呢一間，疫情時及疫情後都時常幫襯。一直都覺得除咗樓面職員唔夠之外，食物質素非常好。一直有食開佢嘅拿破崙意粉同埋雞蛋三文治，仲有冰與火甜品，同咖啡，於是就點咗呢幾樣。點知等咗超過半個鐘先至有一碟意粉上枱，但其實我哋點咗兩碟相同嘅拿破崙意粉，只來一碟。個賣相真係嚇死人，好似食剩嘅意粉。我記得以前係用長方碟右邊有意粉，左邊就係沙律同麵包，而家係用一個圓形細甜品碟裝住一堆非常肉酸嘅意粉。感覺就好似加錢換購嘅一樣，㩒枱面鐘仔搵職員，成間餐廳有百幾個座位，但係眼見得兩個樓面，所以好耐都冇人理我哋。個職員話佢哋轉左Menu，而家個意粉係咁樣，減咗價只係60幾蚊，如果想要沙律就要加$20。個問題唔係我想要沙律，係一間日本西餐廳個意粉咁嘅賣相，真係茶餐廳都不如，衰過學校canteen。之後再嚟雞蛋潛艇同埋冰與火甜品，甜品唔記得俾個糖漿我，又係因為太少職員，職員太忙，所以忙中有錯。個職員回應左我之後要跑去收銀，收完幾位客人錢先有時間幫我去攞返個糖漿，個雪糕都溶晒咁滯。老實講所有食物質素都keep到水準，樓面職員都有禮貌，有耐性，呢個值得一讚。俾人投訴都

相信就快貼走一閒外資餐廳! 嘩，今日去食飯真係嬲爆😡！叫咗兩個意粉，竟然用茶杯碟上，真係當我哋係乞兒咩？！😩 收咁貴，份量又少，真係好侮辱人！😠 香港🇭🇰好多餐廳都好好，但呢間真係搞唔掂👎。以後都唔會再去！

要服務，無服務，當晚現場客人真係唔算多，我地襟左飛，企左成3分幾鐘，門口果位先生先出現，帶住口罩，都覺佢臉燶。等左一陣，放底張QR order紙，就即刻彈開，想問下野都唔得，轉頭柸coffee到，放低包花生，即閃，連隻碟仔都無，碟意粉仲誇張，present到好似食剩咁既款（味道係ok)，之於甜品算合格，但無下次。總括黎講，有點買難受既感覺。

住近黃埔，都已經交叉❌咗呢間餐廳好耐。嘢食冇特色都唔係致命傷，最差係啲服務! 茶餐廳都好過佢！Anyway, 因為約咗設計師大家要攤開啲圖嚟睇，所以唯有選擇呢間餐廳因為六人卡位枱面比較大。入到去又係貫徹冇笑容冇打招呼冇服務。其實連鎖店來自日本，為何冇基本 training?! 嘢食就越嚟越細碟，$68一碟意粉兒童餐咁嘅size伴碟都冇 + 鮮奶咖啡例牌開水咁。都冇辦法啦因為需要佢張枱面。講返佢個嚴重致命傷，服務態度💢 問攞熱水冇熱水！叫我哋自己埋去個櫃嗰度攞個熱水壺自己斟。但係個熱水壺裏面啲水係凍的！食完嘢叫佢收碟，收咗兩隻其他全部唔收，真心唔明！撳鐘叫佢唔嚟，行過問佢嘢唔想答你！全間餐廳得五份一嘅枱有客，亦都唔忙，就係唔招呼你！但係員工自己三五知己就企埋喺度傾偈。完‼️

公司應該管理不善，還是香港現在就是這個模式，人手不足，明明入便有很多位但門外就擠了很多人在等一個人施施然做嘢安排座位。食物越來越難食，薯角凍嘅林既軟既都算仲要係無味既。檯面立痴痴，都唔知幾時有認真抹過檯。唔係女兒話想食都唔想入去，次次都無好過。

這次到訪紅磡的客美多，餐廳環境依然舒適，食物的水準仍然高，但份量則中規中矩，比以往細小了一點。照燒玉子漢堡玉子漢堡既亮點係玉子，蛋係留心嘅，與麵包漢堡搭配後，提升咗層次感。漢堡肉質非常嫩及多汁，肉質唔嚡。麵包嘅外型很大，顯得餡料有啲少，但整體都好食拿破崙意粉第二次食拿破崙意粉，意粉依然出色，意粉嘅煙靭口感令人印象深刻，酸甜味都好突出，非常開胃炸雞點咗小食炸雞一份，炸雞外皮酥脆薄身，雞肉紮實鮮嫩，每一啖都感受到肉汁冰與火呢款甜品係由抹茶牛奶雪糕搭配丹麥麵包，甜中帶鹹，非常搭配。麵包鬆軟而雪糕口感絲滑，食落非常滿足。

2024.9.16係好幾年前見到一份新聞提起日本某咖啡店既三文治逆照騙，就係コメダ咖啡店，之前係日本有食過大得驚人既豬排三文治，返到黎香港睇YT先知香港都有！見到評價比較好既黃埔店，所以今日自己比錢黎試！店內係用手機落單📱📲我就點左份蛋三文治配炸雞+飲品既套餐🥪+☕後加左份咖啡啫喱雪糕既甜品🍧☕☕飲品我係+6蚊既加大咖啡歐蕾。咖啡歐蕾既咖啡味偏薄，反而奶味偏重我幾鐘意哩個香味😊😊😊（其實歐蕾係咩黎😂？latte？味道係咪咁既？）🥪🥪三文治既雞蛋饀量較多，味道有少少芥辣味，口感好棉，有蛋香。唔肯定蛋黃醬有冇落，有既話都應該落得好少。🍞🍞麵包鬆軟，生菜蕃茄同青瓜都好新鮮，食落清甜爽口，配上コメダ既特制沙律汁，味道有少少似日本酸梅粉，加上蛋黃醬調教出黎既味道咁樣，食落好開胃😃🍧🍧後加左份咖啡啫喱雪糕，牛奶味雪糕好夠凍，好香奶味，下面個層咖啡啫喱有淡淡既咖啡甘香，苦味唔重，口感軟硬適中。最下個層係切件既香蕉，長度約3～4cm，我自己覺得切細少少會比較方便食用🤔我到步個陣啱啱下午4點，人流唔多，我照網上提及過既做法，係門口拎飛先，1分鐘左右，男店員就帶我入去單人坐位，位置係有分隔，而且係木制，全

食店食物質素和員工服務態度不過不失，但等候入座的安排極不理想。取票是分流為1-2人、3-4人和5-6人，但很多張四人桌均安排給2人票，一問之下才知是原來1-2和3-4人票雖然是分開兩組號碼排，但安排入座的次序卻是同一條隊，按取票時間入座。結果明明是四人桌卻連續多張分給2人票，二人桌當然也是給二人票。我認為食店應在取票分流改為1人、2-4人，食客才能清楚自己要等多少張，以免誤導。入座後更難以理解：在不同位置起碼有兩張四人桌和一張六人桌已清理好，但一直到我們食飽離開仍沒有安排人入座，而食店外一直有不少食客在等位。盛餐的碟上有兩隻是很多刀痕，當連同包著漢堡包的紙拿起時便發現到，雖然不影響食物質素，但不似日本餐廳的作風。

第一次是在日本名古屋店食早餐 當時覺得咖啡同多士都好驚艷，由名古屋帶起的「早餐文化 - 點咖啡送多士」，厚多士可以揀塗上牛油 / 草莓醬，再拼烚蛋/ 蛋沙律/ 紅豆蓉今次初嘗香港黃埔分店 早餐時段10:10am進店，其實整體都唔差...歐蕾咖啡 + 蛋沙律 多士(套餐) $46咖啡上枱即香氣撲鼻，不過入口口感同味道都較輕 有D似加多左水既即沖咖啡，飲唔出個獨特性厚多士仍是高質的 鬆鬆軟軟得黎又有咬口 夠彈性  蘋果批 (由套餐追加) $30蘋果餡十分足料 調味都做到位，批皮千層酥化香脆，上枱時唔凍唔熱 微微溫的，「批」來說...是一個奇妙的溫度，同其他菜式比相對普通味噌炸豬扒方堡 $79麵包烘得鬆軟的~豬扒亦炸得透徹 表面酥香而肉質鬆化 同時又保留到肉汁，味噌醬份量剛剛好 濃咸適宜，再加上椰菜幼絲 平衝油膩感又可以強調日式風味，下單時可自選不切 / 切2件 / 切4件 細心位迷你冰與火 $49新鮮熱辣的千層麵包 切成4件 件件都外層酥脆而內裡香軟，上面放上一份牛奶軟雪糕 介乎雪葩與雪糕間的質感 口感輕形，可按個人喜好淋上楓糖漿，冰火交融 咸香甜美，必點!*裝潢走日式木系風格 簡潔明亮又

你部出單機壞咗你又唔同個客講，跟住你以為出晒啲餐，你明知張枱冇食物得杯咖啡，你都問吓個客啦 。有幾個客喺到乾等成40分鐘都冇人理，啲員工又企晒響度。咁你新入嚟啲客點算，個個都以為出咗單，未個個坐喺度等。你部嘢壞咗唔係我入嚟之後先壞㗎嘛，咁你明知壞咗就要同個客講㗎啦。完全都唔識得應付啲突發事件，服務真係好垃圾。你知道有問題就逐台逐台問吓佢哋有冇單漏咗啦，邊有可能要個客會過嚟問你，其實係咪未俾人鬧過，要個客等多陣鬧爆你哋。你過嚟問吓我都唔會發嬲，完全咩都唔做等個客過嚟同你講，你哋係咪神㗎。

今天中午造訪了這間日式咖啡店,我特別期待品嘗一下這家店的招牌冰與火甜品。點了一杯凍檸茶和一杯KOMEDA 咖啡，凍檸茶一般，KOMEDA 咖啡則,香氣撲鼻。兩種飲品都給我留下了不錯的印象。接下來我品嘗了店內的味噌炸豬扒方堡。麵包綿軟可口。炸豬扒脆口但肉較薄,搭配入味的味噌醬汁,口感十分美妙。整道菜的份量也算十分足夠,完全滿足了我的胃口。不過,我點的另一道菜 - 炸雞和香脆薯角,就沒有那麼理想了。炸雞和薯角都已失去應有的熱度,口感乾柴,完全沒有吸引力。另外,我點的蘋果批也只有少量的蘋果內餡,有些失望。最後,我嘗試了店內的招牌甜品 - 冰與火。這道甜品呈現一個類似圓形牛角包,上面鋪有一層牛奶綠茶雪糕,整體口感尚算不錯,不過價錢偏高了些。總的來說,這家日式咖啡店的整體表現一般,有些菜式不太理想。不過算是一次不錯的用餐體驗吧。

去開黃埔睇戲，睇戲前係附近搵間餐廳食lunch。於是去Aeon入面既Komeda 咖啡室 點左： >>KOMEDA漢堡追加香脆薯角 >>肉醬意粉配豆乳咖啡 KOMEDA漢堡估計係雞肉，內有生菜，醬汁似係芥末味。味道不過不失。 香脆薯角本身無加鹽，可以自己按喜好去落鹽 肉醬意粉個意粉質地好特別，煮得比較淋身，但又帶點煙韌，比較難形容。 平時一般飲牛奶咖啡，今次試下佢個豆乳咖啡，仲附有一小包花生。咖啡喺有豆香，但口感比較單薄。 整體嚟講，環境坐得好舒服，又有插頭位可以叉電，食物就中規中矩。

#コメダ珈琲店this one is come from japan nagoya. very famous of lorge portion food and cheap price. but come to hk. the price is very expensive compared to jp. all are x13 jp yen rate. ppl said they give extra large portion food for u. it depends. but most surprisely is their decoration is very beautiful. just same as jp. make us feel relax and happy. seats are wide and they dont hv time limits for seating. other local resto need 60 eating time. and force us to go which is really bad.1. pork chop san