Bunny Churros (葵涌廣場)

營業中

休息中

今日同老公去葵青劇院睇舞台劇，睇之前當然要先去葵廣度食個滿足！其中甜品當然少不了！近期見好多人都推介Bunny Churros，所以唔執輸試下！我哋點左個Churros Gelato Combo Set $60，好似抵d!由於Churros係每天人手新鮮製作, 現場即叫即炸 ，要每條炸至金黃香脆，所以一般都要等8-12分鐘， 炸起後灑上肉桂粉， 入口外脆內軟， 我同老公都覺得有驚喜！ 完全沒有油膩感，唔會有 "好粉" 或好飽好滯嘅感覺！反而係一陣風咁，香口鬆化！ 加上我哋揀咗雜莓醬，多嘴講話雜莓醬好杰，店員解釋原來係因為配料同醬汁都係無添加純天然！所以雜莓醬會比較有口感！ 而且食落真係酸酸甜甜唔會有好假嘅感覺，幾清爽開胃！Gelato我地揀左意大利開心果味，入面包含左大量開心果碎！好香脆，大大增加咗口感同開心果味， 本身Gelato都有好濃郁開心果味， 加埋開心果碎簡直雙倍開心！其實幾款口味 同醬汁都好吸引! 下次可能試下茉莉毛尖Gelato同埋法國黑朱古力味醬汁, 相信都會好驚喜!