大澳餅店

營業中

休息中

從來冇去過大澳，趁生日諗住搭昂坪360免費，去到昂坪反而冇咩好行，於是就搭咗巴士落去大澳睇吓。因為係平日所以好多舖頭都冇開門，我哋隨便周圍行吓，又因為我唔興上面可以食嘢嘅地方選擇唔多而且好貴，所以去到大澳差不多三點嘅時候都仲未食午餐仲諗住周圍搵吓嘢食啦。聽人講去大澳要食莎翁，突然間經過一間餅店寫住有莎翁賣，本來唔知道佢咁出名，亦都冇人排隊，打開見到老闆拎住一盤大約九個莎翁出嚟熱辣辣新鮮炸起，咁就買咗兩個試吓。熱辣辣有蛋香又好味😋，不過唔鍾意食甜嘅人未必會鍾意，但係從來冇食過莎翁嘅我就覺得非常好食。後來起埋左一邊食突然間就好多人排隊了，然後上網睇返呢間餅店係好出名食莎翁的。