蟹道 野田 (已搬遷) 新店位置

今次同朋友黎左呢間做日本菜集團旗下嘅蟹道 野田食晚飯一去到條街已經見到門口有一隻巨蟹， 滿心歡喜去試試事前訂位已經知道只有Omakase，但係餐廳都好好有餐牌俾客人 讓我知道有咩食第一樣上嘅係前菜有蝦，魚肝，鮑魚片等等作為前菜 算唔錯 但係份量真係好少囉之後就係刺身 忘記了影相就已經食左蟹刺身感覺一般 個人比較喜歡熟食隻蟹蟹宴終於開始啦!第一道係燒鱈場蟹腳雖然燒得有少許乾但肉質仍算厚嘅鱈場蟹嘅天婦羅做得唔錯 無話好油但再多幾件天婦羅會更開心再下一道就係毛蟹肉同蟹膏係幾新鮮 毛蟹嘅鮮甜味配蟹膏唔錯但無咪驚喜 都係其他餐廳食到嘅菜式蟹肉火鍋 感覺好似食緊盆菜一大兜上菜 最好盡快食完想慢慢優雅咁食都難最後有個焗蟹肉海膽飯配三文魚子三文魚子幾新鮮 而份量亦頗豐富!最後嘅甜品係日本時令水果食完之後感覺都幾飽但呢個價錢 我覺得驚喜欠奉 好聽啲就話中規中矩有朋友邀請的話都可以考慮但短期內應該不會再去