影片
更多
2019-03-01
81 瀏覽
今日係同老公拍拖10週年紀念日, 佢約我收工係九龍公園出口等, 神神秘秘唔肯話俾我聽今晚係去邊間餐廳慶祝。佢帶我一直行到廣東道, 原本我以為會係去海港城的食肆開餐, 但過馬路前佢帶我轉彎上左流尚坊8樓呢間Amina Modern European。原來老公今晚係訂左Amina Modern European呢間法國菜餐廳, 之前表妹都同我地介紹過, 我亦提過想黎食, 估唔到老公咁細心仲記得。餐廳裝修以黑, 白, 灰為主調, 非常有型格, 餐廳唔大間, 座位唔多, 空間感充足。晚餐沒有單點菜色, 我地點左兩客8個course的晚餐。餐廳的麵包全部都係自家製的, 配上特製牛油, 味道唔錯。開始食8 course之前, 餐廳先提供餐上小品, 今日的餐上小品係青蘋果泡沫蜜瓜特飲配Ham, 蜜瓜特飲味道清新同咸香味濃的ham好配。前菜牛至草淹漬八爪魚打開蓋時蘋果木煙飄散的香味已經好吸引, 北海道八爪魚爽甜, 配上醬汁, 非常美味。今次係我第一次食兔肉, 捲兔鞍好嫩滑, 完全冇膻味, 而且唔油膩, 感覺好健康。法式牛清湯入面有鮮甜帶子, 味道唔錯。青蘋果洋蔥配煎法國鵝肝, 可以食到濃郁肝油香之外
餐廳裝修以黑, 白, 灰為主調, 非常有型格, 餐廳唔大間, 座位唔多, 空間感充足。晚餐沒有單點菜色, 我地點左兩客8個course的晚餐。
餐廳的麵包全部都係自家製的, 配上特製牛油, 味道唔錯。
開始食8 course之前, 餐廳先提供餐上小品, 今日的餐上小品係青蘋果泡沫蜜瓜特飲配Ham, 蜜瓜特飲味道清新同咸香味濃的ham好配。
前菜牛至草淹漬八爪魚打開蓋時蘋果木煙飄散的香味已經好吸引, 北海道八爪魚爽甜, 配上醬汁, 非常美味。
今次係我第一次食兔肉, 捲兔鞍好嫩滑, 完全冇膻味, 而且唔油膩, 感覺好健康。
法式牛清湯入面有鮮甜帶子, 味道唔錯。
青蘋果洋蔥配煎法國鵝肝, 可以食到濃郁肝油香之外又唔會太油膩, 食完一件都仲想添食。
蘑菇芝士加上黑松露片混有機溫泉蛋食, 味道層次豐富。
主菜前的雪芭, 唔會太甜, 帶有微酸, 清新醒胃。
主菜白鱈魚唔會太腍, 肉質爽口, 配上餐廳特製醬汁, 非常惹味。
甜品靚到好似一件藝術品, 下面仲會噴出煙霧, 必定要拍多d照片打咭。
甜品之後仲有朱古力, 飲埋餐飲, 我地都飽到要捧住個肚走。
張貼
