影片
更多
2024-05-18
30 瀏覽
星期六夜晚喺紅磡想搵間小店幫襯下，見到呢間唔算好多人，望落餐牌嘢食幾吸引，環境又算乾淨，所以膽粗粗入去試下，點知幾有驚喜喎！🌟 前菜 免費+隨意添加佢嗰度寫住話前菜會成日更新。我哋兩個人去食，一嚟就俾左六款我哋試，有泡菜、菠菜、芽菜、蓮藕、薯仔絲同矮瓜，樣樣都好fresh好好食。個人覺得最有驚喜係個蓮藕，口感好爽、醃得好好味。薯仔絲係辣嘅，個人比較喜歡唔辣，等個薯仔味出啲。第一次嗰轉唔記得左影相，encore嘅時候佢會問你鍾意食邊隻想再添加多啲，我哋話淨係唔要辣果啲，點知佢一畀就畀好多🤣，冇左菠菜但就畀多咗一個炆蘿蔔，好重牛腩味，都幾好味，不過食到尾聲就覺得有啲鹹。整體黎講，最推介蓮藕、矮瓜、菠菜同芽菜💛🌟 炙熱豬肩肉配飯 $118第一啖就好有驚喜！調味好好，非常入味。又香又甜，仲有淡淡的炭燒味，拎嚟送飯一流😋🌟 泡菜煎餅 $58呢個真係不得了！超超超超超級好食！個人本身好中意食泡菜煎餅，而佢呢款就係有啲個人風格嘅，同出邊平時食開嗰啲好唔同。首先佢係偏細個同厚身嘅，唔係一般好大塊好薄果啲。個重點係佢表面果層好鬆脆，係果種啱啱新鮮輕輕煎一煎果隻，好薄好薄嘅一層，然後咬落去就係軟綿綿嘅，口
🌟 前菜 免費+隨意添加
佢嗰度寫住話前菜會成日更新。我哋兩個人去食，一嚟就俾左六款我哋試，有泡菜、菠菜、芽菜、蓮藕、薯仔絲同矮瓜，樣樣都好fresh好好食。個人覺得最有驚喜係個蓮藕，口感好爽、醃得好好味。薯仔絲係辣嘅，個人比較喜歡唔辣，等個薯仔味出啲。第一次嗰轉唔記得左影相，encore嘅時候佢會問你鍾意食邊隻想再添加多啲，我哋話淨係唔要辣果啲，點知佢一畀就畀好多🤣，冇左菠菜但就畀多咗一個炆蘿蔔，好重牛腩味，都幾好味，不過食到尾聲就覺得有啲鹹。整體黎講，最推介蓮藕、矮瓜、菠菜同芽菜💛
🌟 炙熱豬肩肉配飯 $118
第一啖就好有驚喜！調味好好，非常入味。又香又甜，仲有淡淡的炭燒味，拎嚟送飯一流😋
🌟 泡菜煎餅 $58
呢個真係不得了！超超超超超級好食！個人本身好中意食泡菜煎餅，而佢呢款就係有啲個人風格嘅，同出邊平時食開嗰啲好唔同。首先佢係偏細個同厚身嘅，唔係一般好大塊好薄果啲。個重點係佢表面果層好鬆脆，係果種啱啱新鮮輕輕煎一煎果隻，好薄好薄嘅一層，然後咬落去就係軟綿綿嘅，口感一流👍 另外佢唔算好辣，仲有一片紅椒喺中間點綴，夾住食，少少清新juicy，輕輕中和返啲油膩感，非常過癮，又靚又有新鮮感，好好味😋 同埋佢有塊吸油紙喺底，就算食底下果塊都唔會好油，而係偏乾身嘅，就算一個人食兩塊都唔覺得好膩。一試難忘，必食推介💯
🌟 雜菜炒粉絲 $58
穩陣之選，不錯不錯！好欣賞佢嗰粉絲唔係好油膩，同埋彈牙得嚟唔係好膠好假嘅橡筋感覺，將特別加入左菇，炒得好入味☺️
🌟 蜜桃伯爵冰茶 $38
幾大杯，配韓菜食，fresh一fresh，同埋佢有啲果肉粒，飲下食下，幾好！
職員有禮，整體用餐體驗良好，性價比不錯，係一個會食完想再去食嘅餐廳！🥰
張貼
